Кандидаттар тіркелді

36 Views

Ағымдағы жылдың 19 маусымында Т.Рысқұлов аудандық аумақтық сай­лау комиссиясы Луговой ауылдық округінің әкімі лауазымына канди­даттарды тіркеп, олармен кездесу өт­кізді. Тіркелген кандидаттар туралы мәліметтер аудандық «Құлан таңы» газетінің осы нөмірінде жарияланды.
Аталған кездесу барысында аудан­дық сайлау комиссиясының төр­аға­сы М.Тлепов ағымдағы жылдың 14 шілдесіне тағайындалған Луговой ауылдық округінің әкіміне кандидат болып тіркелген азаматтарға канди­даттық куәліктерін тапсырып, оларға сәттілік тіледі.
Сондай-ақ, кандидаттарға «Қазақстан Респуб­ликасындағы сайлау ту­­ра­лы» Конституциялық заңының 27, 28, 29, 32 және 33-баптарында көрсетілген, яғни сайлау алдындағы үгіт, сайлау алдын­­дағы үгітті жүргізу құқығы, канди­даттың, саяси партияның сайлау алдын­дағы бағдарламалары мен сайлау алдындағы үгітті тоқ­тату мен сайлауды мемлекеттік қаржы­ландырудың талап­тарын егжей-тегжейлі түсіндірді.
Кездесу соңында кандидаттар тара­пынан қойылған сұрақтарға тиісті жауаптар берілді.

М.Тлепов,
аудандық аумақтық сайлау комиссиясының төрағасы.

Поделиться ссылкой: