Луговой ауылдық округі әкімі лауазымына үміткер Жасұлан Бейшенқұлұлы Өмірқұловтың өмірбаяны мен сайлауалды бағдарламасы
127 Views
Өмірбаяны
Өмірқұлов Жасұлан Бейшенқұлұлы 1992 жылдың 4 қарашасында Жамбыл облысы, Луговой ауданы, Луговой ауылында дүниеге келген.
2014 жылы Л.Н.Гумилев атындағы Еуразия ұлттық университетін «Есептеу техникасы және бағдарламалық қамтамасыз ету» мамандығы бойынша бітірген. 2016 жылы Тараз инновациялық-гуманитарлық университетінен «Құқықтану» мамандығын алған.
Еңбек жолын 2014 жылы Т.Рысқұлов аудандық ішкі істер бөлімінде «Жастар тәжірибесі» бағдарламасы бойынша маман болып бастаған. 2015-2017 жылдары Т.Рысқұлов аудандық ішкі істер бөлімінде кадр бөлімшесінде маман, учаскелік полиция инспекторлары тобының учаскелік полиция инспекторы (ерікті жалданушы ретінде) болып қызмет атқарған. 2018 жылы Т.Рысқұлов ауданы әкімдігінің ішкі саясат бөлімінде «Жастар тәжірибесі» бағдарламасы бойынша маман, 2018 жылдың наурызынан бастап, Ақбұлақ ауылдық округі әкімі аппаратының бас маманы болып еңбек еткен. 2018-2020 жылдары Т.Рысқұлов ауданы әкімдігінің тұрғын-үй коммуналдық шаруашылық, жолаушылар көлігі және автомобиль жолдары бөлімінің бас маманы, 2020-2023 жылдары Т.Рысқұлов ауданы әкімдігінің тұрғын-үй коммуналдық шаруашылық, жолаушылар көлігі және автомобиль жолдары бөлімінің сектор меңгерушісі қызметін атқарған. 2023 жылдың 4 тамызынан бастап қазіргі уақытқа дейін Т.Рысқұлов ауданы әкімдігінің тұрғын-үй коммуналдық шаруашылық, жолаушылар көлігі және автомобиль жолдары бөлімінің басшысы қызметін атқарып келеді. 2019 жылдан бастап «AMANAT» партиясының мүшесі.
САЙЛАУАЛДЫ
БАҒДАРЛАМАСЫ
Мен, Өмірқұлов Жасұлан Бейшенқұлұлы Луговой ауылдық округі әкімінің лауазымына сайланған жағдайда өзімнің білімім мен тәжірибемді пайдалана отырып, ауылымыздың көркейіп-гүлденуіне аянбай еңбек етемін.
Менің сайлауалды бағдарламамның негізгі бағыттары:
Кәсіпкерлерді қолдау мақсатында «Ауыл аманаты» жобасының Луговой ауылдық округте жүзеге асырылуын қамтамасыз етіп, ауылдық округті абаттандыру, көгалдандыру жұмыстарын жүргіземін. «Луговой – Әскери қалашығы» аудандық маңызы бар автомобиль жолын және С.Есімов көшесі жолын ағымдағы жөндеуден өткіземін. Луговой ауылдық округіндегі көшелерді жарықтандыру, ауызсу сапасын арттыру мақсатында жүйелерін кезең-кезеңімен жаңартып, ауыл жастарына қолдау көрсету, жаңа идеялар мен кәсіп ашуға бастамаларды жүзеге асырамын. «Түрксіб» теміржол вокзалының ғимаратын күрделі жөндеуден өткізуге және аумағын абаттандыру мәселесін шешіп, Луговой ауылдық округінде орналасқан білім беру нысандарына күрделі жөндеу жұмыстарын, жапсарлас ғимарат құрылыстарын жүргіземін (М.Горький атындағы орта мектебі – 2025ж, Т.Рысқұлов атындағы мектеп-лицейі – 2026 жыл, Т.Әубәкіров атындағы негізгі мектеп – 2026 ж). Учаскелік полиция қызметкерлерімен, ақсақалдар және қоғамдық кеңес пен көше комитетінің төрағаларымен өзара іс-қимыл жасай отырып, ауылды көгалдандыру мен абаттандырудан басқа, қоғамдық тәртіпті қамтамасыз ету, ауылдардағы көшелердің тазалығын қамтамасыз ету, санитарлық нормалардың сақталуын ұйымдастыруға уәде беремін.
Мен сенімдеріңізді ақтаймын. Өз таңдауларыңызды жасаңыздар.