Түсіндіру жұмыстары жүргізілді
84 Views
Жуырда Мемлекет басшысының тапсырмасы бойынша Вице-премьер министр Қанат Бозымбаев Тараз өңірлік университетінің базасында Жамбыл облысындағы гидромелиоративтік-құрылыс институтын қалпына келтіру мәселелері бойынша кеңес өткізген болатын. Онда Қанат Бозымбаев жаңа университеттің тиісті материалдық-техникалық базасын құру, қаржыландыру және кадрлармен қамтамасыз ету туралы есепті тыңдады.
Вице-премьер министр қажетті ведомствоаралық рәсімдерді жеделдетуді тапсырып, университет қыркүйек айында өз есігін ашуға тиіс екенін атап өтті. Осы бағытта Тараз Өңірлік университетінен «Су шаруашылығы және ирригация» Ұлттық университеті бөлініп шығуы жоспарлануда. Осыған орай, ағымдағы жылдың 11 шілде күні «Құлан агротехникалық жоғары колледжі» базасында осындай ауқымды жұмыстарды аудан тұрғындарына түбегейлі түсіндіру мақсатын көздеген кездесу ұйымдастырылды. Кездесу барысында Тараз Өңірлік университетінің «Педагогика және әлеуметтік ғылымдар факультетінің деканы – Тұрарова Айсұлу Нұрдынқызы, Химия кафедрасының аға оқытушысы Дилбар Кульбаева, «Мелиорация және агрономия» кафедрасының аға оқытушысы Дәулетбай Салтанат Дәулетбайқызы ретімен сөз алып, жаңа құрылып жатқан университетке Ұлттық мәртебе берілетінін, су ресурстары мәселелеріне мамандандырылатынына тоқталып, кеңінен баяндады.
Кездесуге аудан әкімінің орынбасары Терлікбаев Әлібек Мамытжанұлы, аудандық білім бөлімінің басшысы Сванов Мұратбек Айтымбетұлы және білім бөлімінің жауапты қызметкерлері, ұстаздар, ата-аналар мен жас түлектер қатысты.
Аудандық білім бөлімі.