“Химиялық дойбы”

Еліміздің болашағы – дарынды, білімді, зияткер жастардың қолында. Бүгінгі мұғалім инновациялық әдістерді пайдалана отырып білімді, функционалды сауатты, креативті ойлай­тын бәсекеге қабілетті тұлға қалып­тастыру керек. Сабақта оқытудың бар­лық түрінде жақсы нәтижеге жету үшін пәнді оқытуда оқушылардың жаңа­шылдыққа әуестігінің негізінде ойын мен білімді ұштастырып жақсы нәти­жеге қол жеткізуге болады. Жаңа­лыққа жаны құмар жастарды химия пәніне қызығушылығын арттыру мақса­тында 8 сыныптың оқушыларына «Химия­лық дойбы» курсын ұсынамын. Себебі дойбы ойынына оқушылардың қызығушылығы жоғары. Осы мүмкін­дікті пайдалану мақсатында мен оқушыларға химиялық дойбы ойынын ойна­тамын. «Химиялық дойбы» ойынын ойнау барысында оқушылардың ойлау, есте сақтау, химиялық тілде сөйлеу, өз пікірін дәлелдеу, химиялық реакция теңдеулерін құру қабілеттері шыңдала түседі. Химиялық реакция химия пәнін меңгеруде үлкен орын алады. Себебі ол кезде оқушы өзінің алған теориялық білімін әр түрлі ситуацияда пайдалануға дағдыланады және оқушылардың функционалдық сауаттылығын артты­ру­ға көмектеседі.
Сондықтан мұғалім қай саладан болмасын өз пәнінен балаға іліп алар өмірлік сабақ бере алса, баланың дамуына жүйелі бағыт-бағдар берсе, оның ұстаз ретіндегі еңбегінің сіңгені деп ойлаймын.

Айжан Манабаева,
Бауыржан Момышұлы атындағы орта мектептің химия пәнінің мұғалімі.

Поделиться ссылкой: