Тараз – ҒАСЫРЛАР КУӘСІ Елімнің

615 Views

Тараз – ҒАСЫРЛАР КУӘСІ Елімнің

Жуырда ауданымызда облыстық тарихи-өлкетану музейінің ұйымдастыруымен жылжымалы көрме өтті. Аудан тұрғындарына арналған көрмеге облыстық тарихи-өлкетану бас қор сақтаушы қызметкері Айша Бегалиева мен маркетинг және менеджер Ақмарал Оразбекова қатысты.

Елбасының «Болашаққа бағдар: рухани жаңғыру» бағдарламалық мақаласы аясында өткізілген көрме «Тараз – ғасырлар куәсі» деп аталды. Жалпы, көрмеге 70-ке жуық археологиялық бірегей жәдігерлер қойылды. Х-ХІІ ғасырларға жататын бұл археологиялық жәдігерлер Ежелгі Тараз өңірінің тұрмыс-тіршілігі мен тарихын айқын бейнелейді. Музейдің басты мақсаты – қор бөлімінде сақталған археологиялық құнды дүниелерді насихаттап, олардың тарихын көрмеге келген қонақтарға кеңінен түсіндіру болса, сол құндылығы мол тарихи жәдігерлерді сақтап, оны ұрпақтан ұрпаққа жеткізу – басты міндет болып табылады. Сондай-ақ, бұл шара тек ауданымызда ғана емес, облысымыздың басқа да аудандарында жалғасын табуда.

С.ҚАРАСАЕВА.

Поделиться ссылкой: