Намысшыл Нұрсұлтан

37 Views

Аудан орталығынан шалғай жатқан Сәлімбай ауылынан көптеген дарынды әрі талантты жандар көптеп шыққан. Ауылымыздың атын, ауылымыздың ғана емес, облысымыздың, тіп­ті мемлекетіміздің абыройын асқақ­татып жүрген спортшымыздың бірі – Нұрсұлтан Дүйсенқұлов. Ол халық­аралық дәрежедегі спорт шебері. Нұрсұлтан Дүйсенқұлов 1997 жылдың 25 мамырында Тұрар Рысқұлов ауданы, Өрнек ауылдық округіне қарасты Сәлімбай ауылында дүниеге келген. 2004 жылы Бірлес орта мектебіне 1 сыныпқа барып, 4 сыныпқа дейін осы мектепте білім алды. 5-сыныптан бастап, Астана қаласында білім алып, спорттық жолын 2010 жылы бастады.
Ол 2015 жылы ересектер арасында ҚР чемпионы болды. Халық­аралық жарыстардан бірінші жеңісі 2017 жылы Въетнам мемлекетінің астанасы Ханой қаласында өткен Азия чемпионатының кү­­міс жүлдегері атанды. Қазір 5 дүркін Қазақстан чемпионы,
екі дүркін Азия чемпионы деген үлкен атаққа ие.
Сондай-ақ, Нұрсұлтан Дүйсенқұлов Азия чемпио­натының үш дүркін жеңімпазы. Әлем чемпионатының қола жә­не күміс жүлдегері. Grand Slam, Grand Prix, Balkan Open секілді көптеген халықаралық турнирлердің де жеңімпазы. Қазір Нұрсұлтанымыз джиу-джитсудан ҚР Ұлттық құрама мүшесі. 4 жылда бір өтетін Дүниежүзі ойындарына дайындық үстінде. Бұл дода осы жылдың 25 тамызында Қытай Халық Республикасында өтеді.
Біз жерлесімізді әрқашан мақтан етеміз және оған әрдайым тілекшіміз.

Абылай Азтан,
«Жастар ресурстық орталығы» КММ-нің Өрнек ауылдық округіндегі жастар
ісі бойынша маманы.

Поделиться ссылкой: