Көлік құралын басқару құқығынан айырыла отыра, мас күйінде көлік жүргізгені үшін бас бостандығынан айырылды

Тұрар Рысқұлов аудандық соты көлік құралын басқару құқығынан айырыла отыра, масаң күйде көлік құралын басқарған Д.-ға қатысты қылмыстық істі қарады (ҚК 346-бабы­ның 1-бөлігі).
Сотта анықталғаны
Сотталушы Д. Тұрар Рысқұлов аудандық сотының 2021 жылғы 22 қарашадағы қаулысымен көлік құралдарын басқару құқығынан 7 жыл мерзімге айырылған (ӘҚБтК 608-бабының 1-бөлігі).
Алайда, 2025 жылдың сәуірінде оны Құлан ауылында полиция қыз­меткерлері мас күйінде көлік жүргізу кезінде ұстап алып, медициналық куәландыруға жеткізген. Сотталу­шының кінәсі оның өзінің мойындау айғақтарымен және іс бойынша жиналған басқа да дәлелдемелермен дәлелденді.
Тараптардың ұстанымы
Прокурор қылмыстардың жиын­тығы бойынша 1 жылға бас бостан­дығынан айыру жазасын тағайын­дауды сұрады.
Сотта А. кінәсін толық мойындады.
Сот үкімі
ҚК 346-бабы 1-бөлігінің санкциясы 5000 АЕК-ке дейiнгi мөлшерде айыппұл салу не сол мөлшерде түзеу жұмыстары, не 1200 сағатқа дейiнгi мерзiмге қоғамдық жұмыстарға тарту, не 5 жылға дейінгі мерзімге бас бостандығын шектеу не айыру түріндегі жазаны көздейді.
Сот жауапкершілік пен жазаны жеңілдететін мән-жайлар ретінде шын жүректен өкінуін, тұрғылықты жері бойынша жағымды мінезделетінін және асырауында кәмелетке толмаған балалардың болуын таныды. Ауырла­татын мән-жайлар анық­талған жоқ.
Сот үкімімен Д. ҚК 346-бабының 1-бөлігі бойынша қылмыстық құқық бұзушылық жасағаны үшін кінәлі деп танылып, көлік құралын басқару құқығынан өмір бойына айырыла отырып, 1 жылға бас бостандығынан айырылды.
Үкім заңды күшіне енді.

«Құлан таңы» ақпарат.

Поделиться ссылкой: