Қарттарым, аман, сау жүрші!

Қарттарым, аман, сау жүрші!

аудандық Ардагерлер кеңесі мен «Белсенді өмір сүру орталығы» бірлесе отырып, Конституция күні қарсаңында «Денсаулық күні» шарасын өткізді. Шараның мақсаты – 60 жастан асқан аудан тұрғындарын спорттық-мәдени іс-шараларға тарту арқылы олардың өмір сапасын жақсарту.

Алдымен орталыққа келген қария­ларға қаржылық және цифрлық сауат­тылық бойынша семинарлар ұйым­дастырылып, заңгерлік және психоло­гиялық кеңестер берілді. Онда қар­жыны тиімді басқару жолдары, цифр­лық қосымшаларды пайдалану мүмкіндіктері түсіндіріліп, интернет- алаяқ­тарын тану және сақтану тәсіл­дері айтылды. Сонымен қатар психоло­гиялық тесттер арқылы ардагерлердің есте сақтауын, зейінін, көңіл-күйін тексеріп, зейнет жасындағы мемлекеттік жеңілдіктер мен әлеуметтік қолдау шаралары туралы мағлұматтар берілді. Семинардан кейін ардагерлер арасында шахмат,  дойбы, домино және бильярдтан жарыстар өтті. Әрбір қатысушыға сыйлықтар табысталып, жеңімпаздарға арнайы жүлделер берілді. Нәтижесінде шахматта Расылхан Әуелов, дойбыда Мұрат Наметқұлов, доминода Қожайхан Бижанов жеңімпаз атанды. Ал бильярд жарысында бірінші орынды Тұрғын Әденов, екінші орынды Тоқабай Тастанбеков, үшінші орынды Райзо Шәділбеков иеленді. Жарысқа қатысқан ең жас қатысушы 65 жаста болса, ең үлкені 88 жастағы қария болды. Бұл аудан қарттарының белсенді өмірге деген құштарлығының айқын көрінісі.

Ақжарқын Мұратбекқызы.

Поделиться ссылкой: