Қоғамдық қабылдау өткізді
39 ViewsӨткен аптада аудан әкімі Ернар Есіркепов қоғамдық қабылдауға жазылған тұрғындарды жеке сұрақтарымен қабылдады. Қоғамдық қабылдауға тұрғындар жайылымдық жер, баспана, көгілдір отын тарту, ауылішілік көше…
Спорт – достық мекені
96 Views
Өткен сейсенбіде Құлан агротехникалық жоғары колледжінің кіші футбол алаңында «Спорт – достық мекені» атты тақырыпта колледж студенттерінің арасында жарыс өтті.
«Жұмысшы мамандықтар жылына» орай өткізілген жарысты аудандық «Жастар ресурстық орталығы» КММ-нің қызметкерлері ұйымдастырды.
Жарыстың ашылу рәсіміне Құлан агротехникалық жоғары колледжінің директоры Тұрарбек Шарипов, аудандық «Жастар ресурстық орталығы» КММ-нің директоры Ерболат Жәдік қатысып, сөз сөйледі.
Жарысқа 8 команда қатысты.Дәл осындай жарыстар колледж студенттерінің арасында салауатты өмір салтын насихаттап, олардың арасындағы достық қарым-қатынасты нығайтары сөзсіз.
Жарыстың қорытындысы бойынша жүлделі ІІІ орынды аспазшы мамандығының 1 курс студенттері иеленсе, жүлделі ІІ орынға орман шаруашылығы мамандығының 4 курс студенттері ие болды. Жарыс жеңімпазы, яғни жүлделі І орынды ветеринария мамандығының 3 курс студенттері жеңіп алды. Жеңімпаз бен жүлдегер атанған барлық команда мүшелеріне медальдар, алғыс хатпен қоса бағалы сыйлықтар табыс етілді.
Марат Жолдасбекұлы.