Аспазшы болу – бала арманым…

Аспазшы болу – бала арманым…

Балалардың күні бойы сергек болып, сапалы білім алуы – олардың дұрыс әрі пайдалы тамақтануымен тікелей байланысты. Осы жауапты істі мінсіз атқарып жүрген еңбек адамдарының бірі – Ұлбосын Жапарқызы.

Қоғамдық тамақтану са­ла­сында техник, технолог, 5-разрядты аспаз және асхана меңгерушісі болып қызмет ат­қарған Ұлбосын Жапарқызы бүгінде Құмарық ауылындағы Болтай батыр атындағы шағын орталықты орта мек­тебінің асханасында бас аспаз қызметін атқарып келеді.

Мектеп асханасында жұ­мыс істеу – үлкен жауап­кершілік. Себебі әр күн сайын ондаған баланың тамақ рацио­ны, тағамның сапасы мен құнар­лы­лығы – осы маманның бақы­лауын­да. Ұлбосын Жапар­қызы әрбір өнімнің тазалығын, дұрыс сақталуын, есептелген мөлшерін қадағалап, балаларға пайдалы әрі дәмді тағам дайындауды басты міндет санайды.

Оның адал еңбегі мен тәжірибесі балалардың дұрыс тамақтануы мен денсаулығына оң ықпал етіп, олардың күнделікті өмір сапасын арттыруға үлес қосуда.

«Құлан медиа»  ақпарат.

Поделиться ссылкой: