Абай бол, сел тасқыны!

199 Views

Абай бол, сел тасқыны!

Сел тасқыны – таулы жерлерде көп таралған әрі жойқын қиратушы күшке ие болатын қауіпті апаттық құбылыс.

Сел қаупі туындауы­ның белгілері:

– қарқынды және ұзақ уақыт нөсер жаңбырдың жаууы;

– тұздықтық көлдер мен олардың ақтарылу қауіпін туғызатын ауа температурасының кенеттен және ұзақ уақытқа көтерілуі;

– өзендегі су деңгейінің кенеттен төмендеуі немесе көтерілуі, су лайлылығының артуы.

Су тасқыны кезінде не істеу керек?

  1. Алдын ала дайындалыңыз:

– құжаттарыңызды, ақшаны, телефонды және зарядтағышты су өтпейтін қапқа салыңыз;

– алғашқы көмек қобдишасын, су, тамақ және жылы киімдерді дайын ұстаңыз.

  1. Ақпаратты бақылаңыз:

– радио, теледидар немесе әлеуметтік желілерден ресми хабарламаларды тыңдаңыз;

– төтенше жағдай туралы ескерту алсаңыз, тез әрекет етіңіз.

  1. Үйден шығарда:

– электр құралдарын, газды және суды өшіріңіз;

– қауіпсіз жерге (биік жерлерге) көшіңіз.

  1. Су басқан жерлерден аулақ болыңыз:

– тереңдігі белгісіз судан өтпеңіз;

– көлікпен суға кіруге тырыспаңыз.

  1. Су басқаннан кейін

– үйге қайтқанда электр сымдарына, газ құбырларына абай болыңыз;

– ауыз судың таза екеніне көз жеткізбейінше қолданбаңыз;

– үйіңізді тексеріп, зақым келген болса, мамандарға хабарласыңыз;

– ең бастысы – сабыр сақтап, ресми нұсқауларды орындау.

Қауіпсіздік шаралары:

1.Таулы аймақтардың жағ­дайы туралы бұқаралық ақпарат құралдарынан хабарларды үнемі бақылаңыз.

  1. Егер сел қауіпті арнаның жоғар­ғы бағытында қарқынды жаңбыр байқалса, сел қауіпті арнадан кетіңіз. Жоғарғы жағында көл байламдары бар сел қауіпті арнаға жақын жерде демалуға тоқтамаңыз және шатырлы лагерь құрмаңыз.
  2. Қозғалыстағы сел тасқындарына 50-70 метрден жақын бармаңыз.
  3. Тік құздар мен тік беткейлерде ұзақ тоқтамаңыз. Өйткені сел жүрісі кезінде шайқалудан ол жерлерде тас жауу немесе опырылым болуы мүмкін.
  4. Сел арнасы бойынша қозғалыс кезінде адамдардың арасы 20-30 метр қашықтықты құрауын қадағалаңыз.
  5. Сел тасқынының белгілерін байқаған жағдайда тез арада арнадан таулы беткейлермен жоғары кетіңіз.
  6. Сел толқыны өткеннен соң сел арнасына түспеңіз.

Аудандық  Төтенше

жағдайлар  бөлімі.

 

Поделиться ссылкой: