Медицина қызметкерлері марапатталды

529 Views

Аудандық аурухана қызметкер­ле­рі денсаулық саласын дамыту, тұр­ғындарға заман талабына сай, қол­жетімді және сапалы медициналық қыз­­­мет көрсету жолында аянбай қыз­мет етіп келеді. Оларға ол үшін мемлекет тара­пынан да барлық мүміндіктер жа­са­луда. Адам өмірін арашалауға ат­салысқан дәрігерлер өткен аптаның жұмасында Мэлс Өзбеков атындағы мәдениет үйінде бас қосып, кәсіби ме­рекелерін атап өтті. Оған аудан әкімі­нің орынбасары Бейсенбек Әлпейісов пен аудандық мәслихат хатшысы Тұрсынхан Жаманбаев келіп қатысты. Арнайы шақырылған қонақтар өздері­нің ыстық лебіздерін арнап, алғашқы құттықтау сөз кезегі аудан әкімінің орынбасары Бейсенбек Әлпейісовке берілді. «Әрбір мемлекеттің басты бай­лығы оның азаматтары болса, әр­бір адам баласы үшін байлық та, ба­қыт та – денсаулық. Олай болса, «ден­саулық сақшысына» айналған меди­цина қызметкерлерінің кез келген қоғамда алар орны ерекше. Әрбір адамның денінің сау болуы сіздердің ерік-жігерлеріңіздің, білімдеріңіз бен кәсіби шеберліктеріңіздің жемісі деп білеміз. Сіздер алдарыңызға қи­на­лып келген науқасты жүрек жылу­ла­­рыңызбен қарсы алып, әр түрлі жағ­­дайларда адамның өміріне араша тү­сіп, барлық тәжірибелеріңіз бен бі­лім­деріңізді қолдана отырып, халық денсаулығын жақсарту жолында қыз­мет етіп келесіздер. Сол үшін де аудан жұртшылығы атынан тұрғындарға көрсеткен лайықты қызметтеріңіз үшін алғысымызды білдіреміз. Ардақты ақ халатты абзал жандар келіп жеткен кәсіби мерекелеріңіз құтты болсын!» -деп осы салада қызмет етіп жүрген бірнеше жандарды марапаттады. Атап айтқанда, Қазақстан Республикасы­ның денсаулық сақтау министрлігінің «Денсаулық сақтау ісінің үздігі» төс­белгісімен Жаңатұрмыс дәрігерлік амбулаториясының аға дәрігері Эльмира Естемесова аталмыш саланың ең жоғары марапаттарының біріне ие болды. Ал, аудандық емхананың жал­пы тәжірибелі дәрігері Вера Серго денсаулық сақтау министрлігінің Құрмет грамотасымен марапатталды. Со­нымен қатар, Ләззат Шомақова, Данияр Құлышев, Қанат Көпбаев, Дәмел Утембаева сынды дәрігерлерге аудан әкімінің Алғыс хаты мен аудан­дық «Нұр Отан» партиясының Құрмет грамота­сы табысталды.

Салтанатты жиын барысында ау­дан­дық дәрігерлер Қазақстан Рес­пуб­ликасы «Ұлттық Медициналық Ассоциацияның» жоғары марапаты болып саналатын «Алтын дәрігер» төсбелгісіне де ие болды. Аталмыш марапат денсаулық саласында талай жылдар бойы қызмет еткен дәрігер Мұратбек Нәметқұлов пен Ақниет ауылдық округінде орналасқан медициналық амбулаторияның аға дәрігері Әбіқұл Мырзагелдиевтің кеудесіне тағылды.

Жиын барысында аудандық мәслихат хатшысы Тұрсынхан Жаманбаев пен аудандық аурухананың бас дәрігерінің орынбасары Раушан Жұманқұловалар да жүрегі мейірімге то­лы ақ халатты абзал жандарды ме­ре­кемен құттықтап, алғыс хаттармен жә­не бағалы сыйлықтармен марапаттады.

Шарапаты мол іс-шара соңы аудан ауруханасының жас мамандары даярлаған концерттік бағдарламаға ұласты.

Жәнібек БАЗЫЛБЕКОВ.

 

 

Поделиться ссылкой: