Вокзал – темір жолдың келбеті

Темір жол арқылы саяхат жасауды ұйғарған әрбір адам соңғы аялдамада вокзалға келіп түсетіні белгілі. Сондықтан да, отандық темір жол саласына баға беру үшін вокзалдың қызмет көрсету сапасына көз жүгірт­сеңіз жеткілікті. Өйткені, вокзал – темір жолдың келбеті. Вокзал маңы мен ішінің тазалығы, жолаушыларға көрсетілетін сапалы қызмет, жөн сұраған жандарға жол көрсету, жүгі ауыр жолаушыларға жәр­дем беру секілді қыз­меттің бәрі бекет қыз­меткерлерінің мой­нына артылған мін­деттер. Осыдан-ақ, әрбір бекеттің қыз­меткерлеріне артылған жүкті бағамдай берсеңіз болады.
Біздің Луговой вок­залында аталмыш мін­деттермен Данияр Бек­мұратұлы бас­қа­ра­тын шағын ұжым айна­лысады. Дәлірек айтар болсақ, Райхан Әбдіреметова, Гүлбану Қал­дарбекова, Ахмет Шүкеев, Нұрлан Қаш­қынов секілді вокзал кезекшілері пойыздың келу уақытын баяндап отырады. Ал, вокзалдың іші мен сыртындағы таза­лыққа Саракүл Аки­лова, Айман Көкрекбаева, Жұлдыз Сайтова, Александр Пожидаев, Рая Кабдулова, Сұрапбай Алыбаев сынды азаматтар жауап береді. Сонымен қатар, билет кассасында Зәуре Нұрманова, Индира Кенжегулова, Шынар Мұсаева секілді жарқын жүзді жандар халыққа қызмет көрсетеді.

Жәнібек БАЗЫЛБЕКОВ.

Поделиться ссылкой: