Меморандумға қол қойды

505 Views

Өткен аптада аудан әкімдігінің кіші мәжіліс залында аудан әкімінің орынбасары Руслан Оразханның төрағалығымен жиын өтті. Жиынға облыс әкімдігінің еңбек инспекциясы басқармасының мамандары мен аудандық үш жақты комиссияның мүшелері және шетел жұмыс күшін пайдаланатын кәсіпорын өкілдері қатысты.
Қазақстан Республикасы Еңбек және халықты әлеуметтік қорғау министрлігі тарапынан 2019 жылға барлығы 774 шетел мамандарына квота белгіленген. Оның ішінде 1 санат бойынша – 29, 2 санатқа – 122, 3 санатқа – 453, ал, 4 санатқа – 70 адамға дейін жұмысшы алуға рұқсат беріліп отыр. 2019 жылдың 1 шілдесіне дейінгі мәліметтерге көз жүгіртсек, Жамбыл облысы бойынша 28 жұмыс берушіге берілген рұқсаттарға сәйкес 249 шетел азаматтары жұмыс атқаруда. Оның ішінде Қытайдан — 213, Өзбекстаннан – 12, Грекиядан – 5, Франциядан – 4, Ираннан – 4, Үндістан мен Украинадан – 2 –ден болса, Италия, Мысыр, Македония, Мальта, Түркиядан – бір-бір азамат облыстық кәсіпорындарда қызмет етіп жүр. Ал, біздің ауданға тіркелген «Компания А&Т-энерго» ЖШС-де қазіргі таңда Өзбекстанның 2 азаматы 3-4-ші санат бойынша еңбек етуде. Аталмыш мәліметтерді жиын барысында облыс әкімдігінің еңбек инс­пекциясы бас­қармасының ма­маны Бауыржан Мол­дашев мәлімдеп бе­ріп, кәсіпорын бас­шыларын олар­ға қауіпсіз жағ­­дай жасауға және қолайлы тұруы­на барлық мүм­кіндіктерді қа­рас­ты­ру­ға шақырды.
Жиын соңында кә­сіпорын ма­мандары, аудандық әкімшілік қыз­мет­­керлері мен кәсіподақ өкілдері ор­тақ шешімге ке­ліп, үш тарапты ме­морандумға мөр басылып, қол қойыл­ды.

Жәнібек БАЗЫЛБЕКОВ.

Поделиться ссылкой: