Карантиндік режим қатаң бақылауда

388 Views

Жамбыл облысы аумағында тө­тен­ше жағдайға орай карантиндік ре­жим жарияланғаны белгілі. Барлық та­лаптарды сақтау бойынша аудан аума­ғында да айтарлықтай жұмыстар атқарылуда.
Т.Рысқұлов аудан әкімдігі жанынан «Төтенше жағдай режимін қамтамасыз ету жөніндегі аудандық жедел штабы 2020 жылдың 19 наурызында №3 ше­шіммен құрылған. Барлық сала бас­шы­ларын қамтыған 27 мүшесі бар штабта есепті мерзімде 9 отырыс өткізіліп, хат­тамалық тапсырмаларға сай барлық округ­тер мен бөлім, мекемелерде уақ­тылы нәтижелі жұмыстар орындалуда.
Аудан аумағында Коронавирус ін­детін жұқтырған науқас тіркелмеген.Бірақ жалпы карантинге қамтылған 10 адам бар. Алты құрлықты аралап, адам­­затқа қауіп төндірген індетке қар­сы шараларға қатаң бақылау қойыл­ған. Соның бірі- халықты жедел ақпа­раттандыру, сақтық шараларын сақтау, қауіпсіздікті нығайту, қоғамдық тәртіп пен жауапкершілікті күшейту. Аудан әкімдігі осы мақсатта белсенді жұмыс атқаруда.
Ауданда 10 адамнан тұратын ақ­параттық топ, Жедел штаб бойынша әлеуметтік желіден арнайы 1 чат құ­рылған, СаLL-орталықта байланыс телефоны қойылған. Коронавирус дер­тінің алдын алу бойынша ақпараттық жұ­мыс күшейтілді. Облыстық теле­арнада 7 сюжет, ақпараттық сайтта 12 материал жарық көріп, аудан әкім­дігінің әлеуметтік желідегі ресми па­рақ­шаларына 280 ақпараттық пост; атқарылған жұмыс туралы 145 пост, 143 видео-үндеу, 30 хабарлама салынды.
Ақпараттық-насихат жұмыстарына 15 округтен 200-ге жуық ерікті жастар тартылып, 5 рет жадынама, ақпараттық парақша таратылып, 2 рет ғимараттарға талап ережелер ілінді. Еріктілердің қатысуымен 3 акция, 2 іс-шара өткізілді. Аудан аумағында қоғамдық-саяси ахуал тұрақты.
Жалпы аудан бойынша 526 ны­сан бақылауға алынған. Аудан аума­ғындағы барлық халық көп баратын қоғамдық орындар мен нысандарды дезин­фекциялау жұмыстары жіті жүргізілуде. Мекемелер жеке кәсіпкерлермен Ке­лісім-шартқа тұрып, күнделікті вокзал, ХҚКО, АОА, Пошта, Банк, базар, сауда орталықтары, мемлекеттік ме­ке­мелер, аудандық және ауылдық округтер ғимараттары мен аумағына дезин­фекциялау шараларын жүргізуде. «Таза су-2014» мекемесі Құлан ауылы­ның басты көшесіндегі қоғамдық орын­дарға күніне 2 рет дезинфекциялау шара­ларын жүргізеді. Мекемеге қажет­ті антисептик құрал­дары 1 млн. 312 мың теңгеге алынса, 612 000 теңгеге мем­лекеттік қызметшілерге көп реттік бет­перде тігілді. Демеушілер мен еріктілер есе­бінен жеті мыңға жуық бет­перделер даярланды.
Жаттығу жұмыстарын жүргізетін спорт нысандарының, мектептер мен қосымша білім беру, мектепке де­йінгі білім беру мекемелерінің жұ­мысы толығымен тоқтатылды. Аудан көле­міндегі 12 мейрамхана, тойхана және 95 сауда үйі, дүкендер, 32 тамақтану орындарына қауіпсіздік шараларын қатаң сақтау туралы ескерту жұмыстары жүргізіліп, жұмыс режимі шектелді.
Ауылдық елді мекендер және аудан ор­талығына қатынайтын қоғамдық кө­ліктерде дезинфекциялау жұмыстары тұ­рақты жүргізіліп, бұл жұмысқа жа­уап­­кер­шілікті «Құлан Логистик» ЖШС-і ат­қарды; орталықта 8 автокөлік пен ауылдарға қатынайтын 6 автокөлік са­ғат сайын залалсыздандырылды.Ка­ран­­тиндік режимге сай көлік қоз­ғалы­сына уақытша тоқтау қойылды.
Ауданда Луговой темір жол стан­ция­сы аумағына 3 рет әкімдіктің же­дел штабы тарапынан дайындығы тек­се­рілді. Қазіргі уақытта барлық сақтық ша­расы талапқа сай, әр поезд келіп-кет­кен соң дезинфекциялау шарасы, жолау­шыларды тіркеу жүреді.
Індетке қарсы күресте халық денсау­лы­ғын сақтау-кезек күттірмейтін мә­селе. Сондықтан аудандық денсаулық сала­сы қызметкерлеріне зор жауап­кершілік жүктелді. Аудандық орталық ауруханада 75 дәрігер, 300 орта буын қызметкерлеріне Коронавирус дертінің алдын алу бойынша ақпараттық нұс­қама өт­кізіліп, медициналық көмек көрсету дайындығы бойынша ТҚҚСҚББ маман­дарының қатысуымен 9 семинар-са­бақ өтті, дәрігерлермен 16 тренинг жүр­гізілді.
Аудандық орталық аурухана дезин­фекциялық құ­рылғылармен жеткілікті жаб­­дық­талып, қа­зіргі уақытта каран­тин­дік режимге кө­шірілді.
Дәрігерлер тарапынан күнделікті үйме-үй аралау жұмыстары белсенді жүргізіліп, науқастарды анықтау, ке­ңес беру, түсіндіру шаралары өтті.
Коронавирусты аурулармен қаты­наста болған науқастарды бақылауға жатқызуға аудандық орталық ауру­хана­ның жұқпалы аурулар бөлімінен 3 бокс, әр бокста 2 төсектен 6 төсек даярланып, қосымша 20 төсек орын қойылды.
Коронавирус инфекциясының ал­дын алу үшін вирусқа қарсы препа­рат­­тар қоры жасалды.Аудандағы дә­­рі­­­­ханаларда антисептикалық құрал­дар­дың болуын қамтамасыз ету бо­йынша күнделікті мониторинг жүр­гі­зілуде. Жеке кәсіпкер тігіншілер /5 кә­­сіпкер/ көмегімен көп реттік 3500 дана бетперде тігілді.
Облыстық денсаулық сақтау басқар­ма­сынан берілген тізім бойынша 2020 жылдың 10 сәуіріне шет мемлекеттен келген 10 адам нақты түрде 14 күндік үйдегі бақылауда, жағдайлары тұрақты.Күн­делікті телефон байланысы арқылы мо­ни­торинг жүргізілуде.Алматы, Нұрсұлтан және басқа қалалардан келген 1616 адам, оның ішінде 800 студент бақылауда 96 жүкті әйел бар. Мониторинг күнделікті жүргізілуде. Тұрақты түрде үй аралау жұмыстары күшейтілді, күнделікті 3450-3700 аула қаралады. Дене қызуы және жөтелі бар адамдар тізімі жасалынып, амбула­торлық ем қабылдауда.
Коронавирус жұқпалы ауруының алдын-алу және таралмау іс-шараларын ұйымдастыру мақсатында науқастарды топтастырмау үшін аурухана мамандары үйден қызмет көрсету іс-шарасын күшейтті. 2020 жылдың 20 наурыз -10 сәуір аралығында 6854 рецепт шығарылып, барлығы 34 980 247,19 теңге дәрі-дәрмегі мейірбикелер арқылы науқастардың үйіне жеткізілді. Үйге дәрігерді шақыру-767; телефон байланысы арқылы қашықтықтан — 161 адамға еңбекке жарамсыз парағы ашылды.
Коронавирус індеті туралы 30000 дана парақша таратылды.
Індеттің алдын алудың ең тиімді жолы – оқшаулану. Бұл әлемдік практикада өз нәтижесін беруде Сондықтан аудан аумағында оқшаулау жұмыстары қатаң бақылауға алынды. Аудан аумағында 3 Блок-пост қойылған. Барлығы электр жарығымен, бейнебақылау камераларымен, санитарлық, тұрмыстық керек-жарақтармен (биотуалет, жылытқыш, қолжуғыш, антисептиктер және т.б.) жабдықталған. Бетон блоктар қойылып, сырланған. Кезекшілікте тұрған жалпы саны -6 маман да тиісті талаптарды меңгерген, тексеру, түсіндіру жұмыстарын дұрыс жүргізуде. Аудан аумағында көпшілік пайдаланатын жеке такси қызметіне шектеу қойылды. Луговой-Құлан ара­лы­ғындағы, ауылдық елді мекендерге қатынайтын маршруттар уақытша қысқартылды.
Барлық 15 округте карантиндік ереже енгізіліп, талаптары қатаң бақылауда. Учаскелік полиция қызметі мен жергілікті атқарушы органдар тарапынан рейді жүргізілуде. Есепті мерзімде Төтенше жағдай талабын бұзған 1 оқиға /Ойын-компьютерлік орталық жұмысы/ анықталып, жауапкершілікке тартылды, жалған ақпарат таратушы 1 топпен /Каменка ауылы/ түсіндіру шарасы жүргізілді. Аудандық прокуратура мен полиция бөлімі тарапынан түсіндірме жұмысы жүргізіліп, халыққа аудан прокурорының хабар­ламасы таратылды. Қылмыс пен құқық бұзушылық тәулік бойы қатаң қадағалауға қойылды.
Ауданда төтенше жағдайға байланысты барлық тойхана, ресторандар жабылды, отбасылық іс-шараларға тоқтау қойылды. ХҚКО-на келетін адам санын қысқарту үшін ауылдық округтерде ашылған «Цифрлық орталықтар» арқылы қажетті құжат алу жұмысы ұйымдастырылды. Аудандық ХҚКО онлайн режимінде жұмыс атқарады, ғимаратта медициналық бұрыш ашылған, барлық сақтық шаралары сақталып, дезинфекциялық құралдармен қамтылды.
Халық көп шоғырланатын орындар «Қаз­пошта» мен «Халық банк» ғимараттарына келу­шілердің арақашықтығын 2-2,5 метрден орна­ластыру үшін арнайы орын белгіленген. Келген халықпен кезекшілікке қойылған ауылдық округ әкімі аппаратының, полиция бөлімінің учаскелік инспектор мамандары жұмыс атқаруда. Қауіпсіздік шаралары қамтамасыз етілген. Орталықта дауыс ұлғайтқышпен үздіксіз ескерту хабарламасы айтылуда.
Аудан аумағында барлық елді мекенде көмекке аса мұқтаж отбасыларына азық-түлік көмектері ұйымдастырылып, «Жан жылуы» қайырымдылық қоры, «Мейірім» қайырымдылық дүкені және жомарт азаматтардың демеушілігі арқылы көмектер берілуде. Бұл жұмыс әлі де жалғасатындықтан ірі кәсіп иелері мен шаруашылықтарды, ұйымдар мен қоғамдық бірлестіктерді, кәсіпкерлерді осы істе қолдау білдіруге шақырамыз.
Биыл да аудан аумағында ауылдық елді мекендердегі және аудандық маңызы бар асфальт жолдарын орташа жөндеу жұмыстарына 796 млн.739 мың теңге қаражат бөлінсе, Бәйтелі, Әбжапар ауылдарында су құбыры желілері мен су іркуіш құрылысы, Құмарық, Жарлысу ауылына су құбыры желісі мен су алғыш құбырын салу, Құлан ауылындағы орталық су алғыш құрылысын ре­конструкциялау жұмыстары жүргізілетін болады. Қазақ ауылындағы Мұхтар Әуезов атындағы ор­та мектепке мәжіліс залы және екі пән каби­нетінің құрылысы салынып, Рахым Сәбденов ауы­лындағы Ақбұлақ, Көгершін ауылындағы Ақто­ған, Құмарық ауылындағы Болтай батыр, Қарақыстақ ауылындағы Бауыржан Момышұлы және Қызылшаруа ауылындағы №3 шағын орталықты орта мектептеріне күрделі жөндеу жұмыстары жүргізілетін болады. «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасындағы қалалардың және аудандық елді мекендердің объектілерін жөндеу шеңберінде жүзеге асатын аталмыш мектептердің құрылыс жұмыстарына 1 млрд. 60 млн. 369 мың теңге қаражат бөлініп отыр. №1 мектеп-лицейінде, Әлихан Бөкейханов және Шоқан Уәлиханов атындағы шағын орталықты орта мектебінде «Жұмыспен қамтудың жол қартасы – 2020» мемлекеттік бағдарламасы аясында жүзеге асатын күрделі жөндеу жұмыстарына 893 млн. 60 мың теңге қаражат бөлінген 39 мектептің 26-на әжетхана орнатуға 142 млн. 60 мың теңге қаражат бөлініп отыр. Осы аталмыш құрылыс жұмыстарына ауыл азаматтарын қамтып, ауылдық жерде жұмыссыздықты қысқарту шаралары, жастардың, ауыл тұрғындарының ел игілігі жолындағы істерге белсенділік танытуы басты мақсат саналуда.
Аудан әкімінің 2020 жылғы 27 наурыздағы «Т.Рысқұлов ауданы бойынша әлеуметтік-эконо­микалық тұрақтылықты қамтамасыз ету жөніндегі штаб құру туралы» №19 өкімі бекітілген. Штаб халықпен тікелей жұмыс атқарады.
Бүгінгі күнге әлеуметтік төлем алуға 194 жұмыс берушіден 225 азаматқа өтініш түскен, «Азаматтарға арналған үкімет» МККЕАҚ Т.Рыс­құлов аудандық мекемесінің әлеуметтік қам­та­ма­сыз ету бөліміне жолданған.
Телеграмм-бот, Egov сайты, «Еңбек» порталы арқылы 8058 өтініш қабылданған.Алғашқы тапсырған азаматтар әлеуметтік төлемдерге қол жеткізуде. Аудандағы кәсіпорындар толық қуаттылығында жұмыс атқаруда, жұмысшыларды қысқарту фактілері жоқ, ақысыз демалысқа жіберілгендер жоқ. Халыққа әлеуметтік төлемдері /АӘК, зейнетақы, жәрдемақы, еңбекақы/ толық уақтылы төленуде. АӘК алатын отбасы балалары үшін кепілдендірілген азық-түлік пакеті алынып, таратылды.
Ауылдық округтерге шыққан Штаб мүше­лерінің мәліметіне сәйкес тұрғындар тарапынан карантин режимі сақталуда, елді мекендерде азық-түлік дүкендері мен шағын дәріханалардан басқа нысандар жұмысын тоқтатқан. Сауда орындары мен ұсақ дүкендерде коронавирустан қорғану жөнінде ақпараттық құралдар, тақтайшалар (инфографикалар) ілінген, топтасып кіруге, бетпердесіз қарым-қатынас жасауға тыйым шаралары қолданылуда.
Ауданда азық-түлік бағасы нарқын тұрақ­тандыру мақсатында жұмысты үйлестіруші 17 мүшесі бар Штаб құрылған. Басты жұмысы-күн­делікті азық-түлік тауарлар нарқын бақылау, жеке кәсіпкерлермен жұмыс.
Ауданға жеңілдетілген бағамен 28 тн қант әкелініп, ірі сауда орталықтарында /»Қаракөз», «Аяжан», «Ақ босаға», «Ару»/ сатылды. Қазіргі уақытта қосымша 30 тоннаға өтінім берілді.
Ауданда біршама азық-түлік қоры жасақ­талған, мысалы: 50 тонна ұн /«Ақтоған» ЖШС-30 тн; «Нұртау Әулиеата» ЖШС-20тн/; 15 тонна макарон өнімдері / «Ақтоған» ЖШС/; 4 тонна тауық еті /«Бидайшы» ШҚ/, 15 тонна сәбіз /«Жастар болашағы» ШҚ/; пияз -10 тонна; Аудан әкімдігінің бастамасымен Павлодар облысынан ауданға 68 тонна картоп жеткізіліп, барлық елді мекендерге таратылып, нарықтағы бағадан төмен 130 теңгемен сатылуда. Павлодар облысымен 140 теңгеден картоп және 70 теңге сәбіз жеткізуге тағы келісім жасалып, сәуір айының соңына дейін жеткізу жоспарлануда. Күріш, дәнді дақылдар қоры жеткілікті, бағалары қолжетімді, қымбаттаған жоқ.
Тізілімдегі әлеуметтік мәні бар азық-түлік бағасын сақтау бойынша тиісті мамандар жеке кәсіпкерлермен Келісім жүргізілген. Аудан аумағында отандық өнім ретінде «Ақтоған» 1 сұрыпты бидай ұны кг 120 теңгеден (шекті баға 149 теңге/кг), макароны кг 184 теңгеден (шекті баға 206 теңге/кг) төмен бағамен сатылуда.
Пилоттық жобамен жұмыс атқаратын Құмарық ауылдық округінде де жоспарлы жұмыстар жүр­гізіліп, белгіленген ауыл шаруашылығы жұмыстары талапқа сай ұйымдастырылуда. Жаңа алынған 17 жаңа техникалар-трактор, машиналар кең қолданысқа енді.
Аудан аграрлы аймақ болғандықтан, ауыл шаруашылығы жұмыстарына басымдық беріледі. Қазіргі уақытта бұл жұмыс әкімдіктің қатаң бақылауында. Ауданда 2020 жылдың өніміне 2019 жылы күзде 53916 гектар күздік бидай, 275 гектар күздік арпа себілді.
2020 жылдың көктемінде 3500 гектар жаздық бидай, 56220 гектар жаздық арпа, 100 гектар дәндік жүгері, 8409 гектар майлы дақылдар, 320 га қант қызылшасы, 195 гектар картоп, 209 гектар көкөніс, 95 гектар бақша, 3800 гектар көпжылдық шөп егілетін болады.
Егілетін масақты дәнді дақылдар мен мақсары дақылының тұқымдары жеткілікті көлемде ауданда қолда бар. Себілетін тұқымдарды АШТӨ-і тазалап, аудандық тұқым зертханасынан тексертіліп, себілуде.
Көктемде себілетін дақылдар үшін айдалып, дайындалған егістік жер көлемі — 71853 гектар. Көктемде 18804 гектар егістік жер айдалынды.
Бүгінгі күнге (13.04.2020 жыл) 59720 гектар жаздық масақты дақылдардан себілгені 48330 гектар (81,0 пайыз). 2920 гектар көпжылдық шөп жоңыша (76,8%), 63 гектар көкөніс (30,1%), 3740 гектар майлы дақыл мақсары (44,5%), 33 гектар картоп (16,9%), 320 гектар қажетті 480 с.б. қант қызылшасы тұқымынан, 330 с.б. алынып (68,7 пайыз), 60 гектар қант қызылшасының тұқымы себілді.
Ауа райының қолайлылығын тиімді пайдалана отырып, ауыл шаруашылығы дақылдарын оңтайлы мерзімде себу үшін жұмыс жүргізілуде.
Аудандағы 445 дана әр түрлі маркадағы тракторлар мен қажетті қондырғылар көктемгі егіс-дала жұмыстарына дайындық сапына қойылып, тиісті жұмыстарын атқаруда.
Көктемге жоспарланған барлық дақылдар ауа райының қолайлылығын пайдалана отырып, толығымен орындалады. Көктемгі дала жұмыс­тарын жүргізуге дизель отынына тапшылық жоқ.
Көктемгі су тасқыны қаупінің алдын алу жұмыс­тары негізінде аудан аумағындағы су қоймаларының жағдайы тұрақты. Су қойма­ларын­дағы су мөлшері 50%-дан аспайды. Таулы аймақ­тарда орналасқан елді мекендердің су келетін арық­тары мен каналдарына тазарту жұмыстары жүр­гізілген.
Ең басты міндет – халық денсаулығы мен қауіпсіздігін қамтамасыз ету. Бұл мақсатта жоспарланған жұмыстардың сапалы жүргізілуі ауданның әр азаматына тікелей байланысты. Белгіленген карантиндік режимді қатаң сақтап, қауіпті індеттің алдын алуға болады. Бірлік пен тірлік болған жерде алынбайтын қамал жоқ. Тек тәртіп пен жауапкершілікке мән берейік!

Е.Садырқұлов,
аудан әкімі, аудан әкімдігі жанындағы төтенше жағдай режимін қамтамасыз ету жөніндегі аудандық жедел штаб төрағасы.

Поделиться ссылкой: