ҚҰРМЕТТІ АУДАН ТҰРҒЫНДАРЫ!

Сіздерден біз әлемді еріксіз өзіне бағындырып отырған коронавирус індетінің таралуын алдын алу мақ­сатында қабылданған сақтық шара­ларын күшейтіп, қатаң түрде ұстану­ларыңызды сұранамыз. Сондай-ақ, біз қоғамдық тәртіпті қатаң бақы­лауға алып, көпшілік қатысатын іс-ша­ралардан бас тартуларыңызды өтінеміз. Мұның барлығы аудан тұрғындарының денсаулығы, елдің амандығы үшін қажетті іс-шаралар деп есептейміз.
Аудан аумағында аталған дерттің та­ра­луына жол бермеу мақсатында әкімдік жаны­нан бес мобильдік топ құрылған. Бү­гінде олар сақтық шараларын күшей­ту үшін түсіндіру жұмыстарын үз­дік­сіз жүргізуде. Дегенмен, азаматтар ара­сын­да әлі де бейқамдық басым болып отыр.
Біздің ойымызша, ең әуелі әрбір азамат мамандар айтқан ережелердің та­лаптарын сақтай отырып, жауап­кер­шілікті сезінуі тиіс. Көшеге шық­қанда, азық-түлік дүкендеріне барғанда бетперде тағып, бір рет қолданылатын қолғаптарды пайдаланып жүру қажет. Бұл — өте маңызды.
Алайда, аудан тұрғындары ара­сынан шектеулерге бағынбай, отба­сы­лық шараларды (келін түсіру, қыз ұзату, туған күн, мерейтой т.б) ұйым­дастырушылар әлі де болсын кез­де­суде. Кей азаматтардың отбасылық іс-шаралар мен мерекелік жиындарды алдын-ала жоспарлап қойғаны айтпаса да белгілі. Дегенмен, дәл сондай жан­дар Заң талаптарына сәйкес жауап­кер­шілікке тартылатынын ҚАТАҢ ТҮРДЕ ЕСКЕРТЕМІЗ.
Құрметті аудан жұртшылығы!
Енгізілген шектеулерді әр азамат, әр кәсіпкер түсіністікпен қабылдайды деп сенеміз. Барлығымыздың азаматтық жа­уап­­кершілігіміз осындай сәтте сынала­тынын да ескергендеріңіз жөн болар.
ХАЛҚЫМЫЗДЫҢ ДЕНСАУЛЫҒЫ МЕН ҚАУІПСІЗДІГІ БӘРІНЕН ДЕ ҚЫМ­БАТ ЕКЕНДІГІН ЕСТЕН ШЫ­ҒАР­МАЙЫҚ!

Т.Рысқұлов ауданы әкімдігінің жедел штабы.

Поделиться ссылкой: