Ал қанеки, әжелер!

282 Views

Осы аптаның сейсенбісінде аудандық Мэлс Өзбеков атындағы мәдениет үйінде дәл осындай тақырыппен байқау өткізілді. Оған әрбір ауылдық округтен ақ жаулықты әжелер қатысып, байқаудың көрігін қыздырды. Айта кету керек, аталмыш байқау Елбасының «Болашаққа бағдар:рухани жаңғыру» бағдарламасы аясында ұйымдастырылды.

Ескі салт-дәстүрлерді қайта жаң­ғырту, үлкен буын мен бүгінгі ұрпақ­тың арасындағы сабақтастықты сақтау, ұлт­тық құндылықтарды дәріптеу – байқаудың басты мақсаты саналды. Осы бір шарттарды санасына қазық қып қағып, барынша сәйкес келуді көздеген әжелер байқауға мықтап дайындалып келгені тайға таңба басқандай көрініп-ақ тұрды. Үш кезең бойынша сынға түс­кен әжелер ең әуелі алғашқы айналымда өз-өздерін таныстырып шықты. Ал екінші кезең бойынша қол­да­­­­­ныс­тан шығып, ескіріп қалған әдет-ғұрыптарды сахналап бе­ріп, салт-дәстүрлердің мән-мағына­сын, мақ­сат-міндеттерін толыққанды баяндап бер­­­­ді. Мәдениет үйінің сахнасында «Құ­­лақ тесу», «Босағаны майлау», «Құда күту», «Бәсіре», «Ерулік» сынды салт-дәс­түр­лер сахналанып, кеңінен мәлі­мет бе­рілді.
Ақ жаулықты әжелер соңғы ше­шу­ші кезеңде өз өнерлерін ортаға сал­ды. Әжелеріміздің басым көп­ші­лігі қа­зақтың ұлы ақыны Абай Құнан­баев­тың 175 жылдығын ескеріпті. Сол себепті де, сахнада әжелеріміздің бірі ойшылдың әндерін орындаса, екін­­шілері ақын жайында жазылған роман­нан үзінді алып, сахналап бер­ді. Сондай-ақ, байқауда Мұқағали Мақа­таев­тың «Шеше» атты өлеңі оқылып, Майлы­қожаның термесі де нақышына кел­тіре орындалды. Тіпті, бұл кезеңде шежірелі аспап киелі қобыздың дауы­сын да ести алдық. Кейбір әжелердің өз қолы­мен жасаған қолөнер бұйымдарын тамашалап, ерекше әсер­ге бөлендік.
Тартысты өткен байқауда әже­лер­дің көрсеткен өнерлеріне қарай әр түр­лі номинациялар берілді. Ал жүл­делі үшін­ші орын Құмарық ауылы­нан келіп қа­тыс­қан Базаркүл Табыл­диеваның еншісіне жазылды. Байқауда ән ай­тып, ерекше көзге түскен Бақытгүл Бидай­­шиева жаңатұрмыстықтардың үмі­­тін ақ­тап, екінші орынға қол жет­кіз­се, өз қолымен жасаған қол­өнер бұйым­дарын көрсетіп, талайды там­сан­дырған луговойлық Тұрсынкүл Са­ғын­­бекова аудандық байқаудың жеңім­па­­зы атанды.

Жәнібек БАЗЫЛБЕКОВ.

Поделиться ссылкой: