Министрден марапат алды
470 Views
Жуырда Қазақстан Республикасының Тұңғыш Президенті – Елбасы Н.Ә.Назарбаевтың мемлекеттің қалыптасуы мен дамуындағы саяси бастамаларын насихаттауға және Тәуелсіз Қазақстанды дамыту идеяларын жинақтауға ықпал ететін оқушылардың ғылыми зерттеулерін қолдауға бағытталған байрақты бәсеке ұйымдастырылған болатын. Айта кетейік, аталмыш дүбірлі додаға республика бойынша 570 оқушы қатысып, онда аудан намысын Тұрар Рысқұлов атындағы мектеп-лицейінің 10 сынып оқушысы Ырыскүл Айбазар қорғаған болатын. Асығы алшысынан түсіп, байқауда үздік өнер көрсеткен Ырыскүл нәтижесінде ІІІ дәрежелі дипломмен марапатталды.
Марапаттау рәсімінде Ырыскүл мен оның жетекшісі Г.Танысхожаеваны Қазақстан Республикасының Ғылым және білім министрі Асхат Аймағанбетовтың өзі марапаттады.
Жәнібек Сұлтан.