Шыңдағы Шерағаң!

391 Views

Аудандық орталық кітапхана қызметкерлерінің ұйымдастыруымен Қазақстанның халық жазушысы Шерхан Мұртазаұлының 90 жылдық мерейтойына орай «Шерхан оқулары» атты аудандық байқау өткізілді.
Байқаудың мақсаты – қазақ халқының мұңын, тілегін, аңсаған арманын, өмірі мен әлеуметтік, рухани бейнесін қамтитын Шерхан Мұртазаның шығармашылығын насихаттау. Жазушының есімін ел есінде сақтау және ұрпаққа еліміздің ұлы перзенттерін ұлықтау. Шығармашыл жастардың әдебиет пен өнерге деген қызығушылығын арттыру.
Байқау кітапхананың тұрақты оқырмандары арасында өткізіліп, үміткерлер 3 кезең бойынша бақ сынасты.
Байқаудың нәтижесі бойынша қатысқан 12 үміткердің ішінен жүл­делі І орынды Әбжапар ауылдық кітапханасының оқырманы Нұртөре Жорабек иеленсе, жүлделі ІІ орынды Тасшолақ ауылдық кітапханасы­ның оқырманы Айша Сыздық, жүл­делі ІІІ орынға Қорағаты ауылдық кітапханасының оқырманы Сандуғаш Рысбек ие болды.
Байқауға қатысқан барлық үміткерлер алғыс хатпен және бағалы сыйлықтармен марапатталды.
Байқауға қатысқан барлық оқырмандарға алғысымыз шексіз, оқушыларға жаңа оқу жылында сәттілік тілейміз!

А.Искакова,
аудандық орталық кітапхананың кітапханашысы.

Поделиться ссылкой: