Бір шаңырақ астында

65 Views

«Т.Рысқұлов ауданы әкімдігінің ішкі саясат бөлімі» коммуналдық мемлекеттік мекемесінің тапсырысымен облыстық «Қазақстан студенттерінің Альянсы» жастар қоғамдық бірлестігі мен аудандық Мэлс Өзбеков атындағы мәдениет үйі бірлесіп, жуырда «Тіл – ұлттың жан дүниесі» деген тақырыпта фестиваль ұйымдастырды.
Фестивальдың мақсаты – «Қазақстан Республикасының тілдерді дамыту мен қолданудың мемлекеттік бағдарламасын» жүзеге асыру және бәсекеге қабілетті жастарды қолдау, сондай-ақ, «Этносаралық және конфессия­аралық келісім» тобындағы «Бейбітшілік пен келісім» жобасын қолдау.
«Тіл – ұлттың жан дүниесі» атты этно-мәдени бірлестіктердің мерекелік концерттік бағдарламасы бойынша «Бір шаңырақ астында» атты сахналық қойылым болды. Содан соң «Әдемі-ау» халықтық ән-би ансамблі «Домбыра» биін билесе, «Сударушка» халықтық фольклорлық ансамблі Н.Есембаевтың «Сәлем» әнін нақышына келтіре шырқады. Одан кейін де «Әдемі-ау» халықтық ән-би ансамблі тау халық­тарының биі «Лезгинканы», неміс этно-мәдени орталығы «Полька» биін, татар этно-мәдени орталығы «Татар» биін билеп, залда отырған көрерменнің ыстық ықыласына кенелді. Фестиваль қорытындысы әншілер тобының орындауында Ескендір Хасанғалиевтің «Атамекен» әнімен тәмамдалды.

«Құлан таңы» ақпарат.

Поделиться ссылкой: