Су тасқыны кезінде инфекциялық және паразитарлық аурулардың алдын алу мақсатында халыққа берілетін ұсыныс

402 Views

Су тасқыны үйлерді, шаруа­шылық ферма­ларды су басуы мен мүліктердің жарамсыз болуы­мен ғана қауіпті емес, соны­мен қатар дизентерия, іш тифі, А және В паратифі, тырысқақ, ротавирусты инфек­циялар сияқты ішек инфек­цияларының қолайсыз эпиде­мия­лық жағдайларының өр­шуіне де әкеліп соқтырады. Су тасқыны кезінде құдықтар мен ұңғымалардағы су­лар дәретханалар мен қазыл­ған шұңқырлардағы тастан­ды­лар­мен ластанады. Көптеген ауру­ларды тасымалдайтын кемір­гіштер су тасқынынан сақтану мақсатында тұрғын үй­лер мен ғимараттарға енуінен адамдардың инфекциялық және паразитарлық ауруларды жұқтыру қауіпі ұлғаяды.
Су тасқыны кезінде инфек­циялық және паразитарлық аурулардан сақтану үшін қара­пайым әрі тиімді қағидаларды ұстану керек, олар:
• аула мен тұрғын бөлмелерді тазалықта ұстау;
• үйлерді қардың еріген су­лары басып кеткен жағдайда жуу – жинау кезінде зарар­сыз­дандыру құралдарын қолдану керек. Зарарсыздандыру құрал­да­рын нұсқаулыққа сәйкес пайдалану;
• аумақты үйдің ішін тазалау кезінде қорғағыш қолғап қолдану;
• ауыз су ретінде қайнатылған немесе бөтелденген суды пай­далану;
• қазылған шұңқырлардағы тастандыларды уақтылы тазар­ту;
• жеке бас гигиенасын сақтау, әсіресе кішкентай балалардың күтімінде (дәретханадан кейін, жануарлармен қатынаста болғаннан соң, тағам дайындар алдында және қабылдар кезде қолды сабынмен жақсылап жуу);
Жіті инфекциялық аурулар­дың белгілері туындаған жағ­дайда (дене қызуының көте­рі­луі, құсық пен сұйық нәжіс және т.б. болғанда) тез арада меди­циналық көмекке жүгініңіз, өзі­ңізді өзіңіз емдеуге болмайды.

С.Ускенбаев,
аудандық санитариялық-эпидемиологиялық бақылау басқармасының басшысы.

Поделиться ссылкой: