Жаңа оқу жылына дайындық қалай?

78 Views

Апта басында аудан әкімі Ернар Есіркеповтің төрағалығымен өткен кезекті аппараттық кеңесте мектептердің жаңа оқу жылына дайындығы мен оқушылардың қауіпсіздігі, даму жоспары мен көрсеткіштердің орындалуы қаралды. Сондай-ақ, жылыту маусымына дайындық мәселелері талқыланды.

Аудандық білім бөлімі басшы­сының міндетін атқарушы Самылтыров Бауыржан Қуанышбекұлының ақпараты бойынша жаңа 2023-2024 оқу жылында мек­­тепке жалпы саны 14550 оқу­шы қамтылады деп күтілуде.
Со­ны­­мен қатар, 1470 бүлдіршін 1 сы­нып­қа, яғни мектеп табалдырығын аттайды деп жос­парлануда.
Аудандық білім беру ұйымдарында қауіп­сіз және қолайлы жағдай жасау, балалардың қауіпсіздігін жан-жақты қамтамасыз ету мәселесі өте өзекті.

Ағымдағы жылдың 1 қыркүйе­гі­нен бастап арнайы күзет ма­ман­­­дары 9 мектепте бақылау қыз­­­ме­тін атқаратын болады.
14 мектепке дабыл нүктелерін орнату және аудандық полиция бөлімінің жедел бас­­қару орталығына интеграциялау бойын­­­ша жұмыстар жүргізілді.
Соны­мен қатар, 9 мектепке турникет орна­ты­лып, 23 мектептің бейнебақылау каме­ралары аудандық полиция бөлі­мінің жедел басқару орталығына интегра­цияланатын болады.
Осы орайда аудан басшысы Ернар Серік­әліұлы тиісті бөлімдерге жаңа оқу жылына аудандағы барлық білім ошақтарының отқазандықтарына зер­делеу жұмыстарын жүргізіп, қажет­ті­лігіне қарай мектептердің алдына жол қауіпсіздігіне қатысты барлық жол белгілерін орнатуды тапсырды.
Күн тәртібінің екінші мәселесі туралы аудан әкімдігінің экономика және бюджетті жоспарлау, ауыл шаруашылығы, кәсіпкерлік және өнеркәсіп бөлімдерінің басшылары тоқталып өтті.
2023 жылдың қаңтар-маусым айына жалпы шығарылған өнім көлемі болжаммен 28,8 млрд. теңгені құрап, 2022 жылдың тиісті кезеңімен салыстырғанда 3,1 млрд.теңгеге артық немесе 112,0 % орындалады деп бол­жам­дануда.
Келесі кезекте қаралған күн тәрті­біндегі мәселе бойынша аудан басшысы жылыту мау­сы­мына дайындық барысы кезінде анық­талған кемшіліктерді жою үшін жылыту маусымына әзірлік паспорттарын ер­терек аяқтауды тапсырды.
Сонымен қатар, егін орағына, құры­лыс, жол жөндеу сынды мәселелер қара­лып, тиісті мамандарға нақты тапсыр­малар берілді.

Аудан әкімінің баспасөз қызметі.

Поделиться ссылкой: