Сақтықта қорлық жоқ

Т.Рысқұлов аудандық төтенше жағ­дайлар бөлімі жылдан-жылға автокөлік­тегі өртті болдырмау мақсатында тиісті жұмыстар атқарып жатқанына қарамастан, автокөлік саны өскен сайын ондағы өрт саны да көбейіп отыр. Жыл басынан бері 9 автокөліктегі өрт оқиғасы тіркелді. Оның үстіне, өрттер автокөліктің қозғалысы кезінде болып жатыр. Автокөлік­тер­дегі өрттердің көп бөлігі жеке қолданыстағы көліктердің үлесіне тиесілі болып отыр. Құрметті авто­көлік жүргізушілері! «Сақтықта қорлық жоқ» демекші, автокөлікті жүр­­­гізер алдында автокөлік­­тің қаншалық­ты жүруге жарам­дылығын арнайы автокөлік жөндеу орталығына тексертіп, уақытында техникалық байқаудан өтіп тұру қажет. Автокөлік құралдарының өртке қарсы жағдайын жақсарту және ондағы өрттердің алдын алу мақсатында техникалық тексеру жүргізу кезінде келесі мәселелерге аса назар аударуды ұсынады:
– қуат көзі жүйесінің герметивті жалғануы;
– электр сымының кузов элементтері мен аспап қалқанына берік жалғануы;
– қосымша электр құрылғыларының электрлік оталдыру шығырының, тұман­ға қарсы шамдарының, қосымша сигнал­дардың және т.б./ дұрыс орнатылуы;
– ақаусыз өрт сөндіру құралының болуы. Автотұрақ бөлмелерінде /гараждарда/ жол бермеу қажет:
– жанар-жағармай багінен, жанар-жағармай өткізгіштерінен, карбюратор­лардан майы ағып тұрған, сонымен қатар электрмен қамтамасыз ету жүйелері өшірілмеген автокөліктерді тұрғызуға;
– электр сымдарын дәнекерлеусіз қосуға;
– автокөліктерді бояуға, мөлшерден тыс жанар-жағармай құюға; бөл­шектерді тез лаулайтын және жанатын сұйықтықтармен жууға;
– жөндеу жұмыстарын жүргізген кезде ашық от қолдануға болмайтынына баса назар аудару қажет.

Аудандық төтенше жағдайлар бөлімі.

Поделиться ссылкой: