Қалдырған ізі мәңгілік

57 Views

Ұстаздар мерекесіне орай кеше Мэлс Өзбеков атын­дағы аудандық мәдениет үйін­де салтанатты іс-шара өтті. Мерекелік шараға аудан әкі­мінің орынбасары Әлібек Тер­лікбаев қатысып, құттықтау сөз сөйледі. Өз сөзінде Әлі­бек Мамытжанұлы қазақ руха­ниятында өзіндік қолтаңба қал­дырған ақын, алаш зиялысы Мағжан Жұмабаевтың «Алты алаш­тың басы қосылса, төрдегі орын – мұғалімдікі» деген ұлағатты сөзін тілге тиек етіп, бірқатар ұстаз­дарды марапаттады.

Расымен де, адам бо­йына ізгі­лік нәрін дары­тып, білім бер­ген ұстаздар қауы­мы­ның ерен еңбегі ұшан-теңіз. Олар кез келген құрметке лайық.
Осы күні ұлағатты ұстаздар­дың құрметіне оқушылар би би­леп, ән салды. Атап айтсақ, «Әде­мі-ау» бишілер тобы «Әдемі-ау» биін, «Аяна» бөбекжай-бақша­сының тәрбиеленушілері «Бу­ги-вуги» биін биледі. Ал, «Құ­лан саз» ұлт аспаптар ансамблі «Алаш аманаты» күйін орын­даса, мектеп оқушылары ұстаз ту­ралы мәнерлеп өлең оқыды. «Жас қанат» тобы «Мектебім» әнін шырқаса, Мұқан Төлебаев атын­дағы балалар музыка мекте­бінің «The classic» дуэті «Эхо любви» әнін орындап, ұстаз­дардың алғысына ке­нелді. Мерекелік шара соңы «Жі­гіт­тер» квартетінің орын­дауын­дағы «Мерекем» әнімен қорытындыланды.

Марат Жолдасбекұлы.

Поделиться ссылкой: