Есірткіге қарсы күрес тек құқық қорғау қызметкерлерінің ғана емес, қоғамның да міндеті

151 Views

Қазақстан Республикасының Бас прокуратурасымен бекітілген «Есірткі қылмысына қарсы күрес» жобасы еліміздегі құқық қорғау мен атқарушы органдардың жұмыстарын үйлестіріп, есірткі қылмысының заңсыз айналымының алдын алуды көздейді.
Бүгінгі күнге жоба аясында Т.Рыс­құлов ауданында ауыл шаруа­шылығы техникасын тарта отырып, есірткі құралдарын жою жө­нінде көшпелі комиссия құрылды. Жа­байы қарасора өсетін 9 ауылдық ок­ругтің маңында орналасқан құм­ды алқаптардағы 30 гектар жер аумағындағы 17 тонна сора тұқымдас өсімдіктер шабылып өртелді.
Дегенмен, атқарылып жат­қан жұ­мыс­тарға қарамастан, қыл­мыс­кер­лер­мен есірткі затын заңсыз сату және аса ірі мөлшерде сақтау түріндегі қыл­мыстары тоқтамауда.
Атап айтқанда, ағымдағы жылдың шілде айында Жуалы ауданының 3 тұр­ғыны өздерінің автокөліктерімен Меркі ауданына қарасты Қарасу ауылына келіп, жолдан 500 м алшақ жерде өсіп тұрған жабайы кендір қурайдың кеппеген жапырақтарын және каннабис өсімдігін полипропилен қаптарға салып, жалпы салмағы 27,3 келі «кептірілмеген марихуана» және 2,9 келі «каннабис өсімдігін» жинаған.
Аталған тұлғалар профилактикалық іс-шара­лар жүргізу барысында Т.Рыс­құлов аудандық ПБ-нің қызмет­кер­лерімен құрықталған.
Орын алған дерек Т.Рысқұлов аудан­дық ПБ-нің СДТБТ-не ҚК-тің 296-бабының 4-бөлігімен тіркеліп, сотқа дейінгі тергеп-тексеру ісі басталған.
11.09.2023 жылғы аудандық соттың үкімімен аталған тұлғалар ҚК-тің 296-бабының 4-бөлігімен кінәлі деп танылып, әрқайсысы 3 жыл 6 ай мер­зімге бас бостандығынан айыру түріндегі жазасына сотталды.
Бұл жағдайда, есірткінің салдарынан 3 отбасы асыраушыларынан белгілі бір уақытқа айырылды және асырауындағы балалары тиісті әкелік тәрбие алу мүм­кін­діктерінен шектелді.
«Жұмыла көтерген жүк жеңіл». Есірт­кіге қарсы күрес тек құқық қорғау орган­дарының ғана емес, қоғамның да міндеті. Алдын алу шаралары, яғни про­филактикалық жұмыстың маңызы зор. Сондықтан қоғам болып бұл қауіпті дерт­пен бірлесіп күрескеніміз абзал!
Осыған байланысты синтетикалық есірт­кілерді жарнамалайтын интернет-сайттар, граффити-хабарландырулар және басқа да есірткіге қатысты мәлі­мет­тер болған жағдайда «Narko Shekteu Taraz» телеграмм-ботына хабарлама беру­­леріңізді сұраймыз.

Т.Рысқұлов аудандық прокуратурасы.

Поделиться ссылкой: