«Жастар тәжірибесі» жұмысқа орналасуға мүмкіндік

121 Views

Білімді жастың білігін арттыруға керегі – тәжірибе. Осы тұрғысында мемлекет жас түлектердің танымын кеңейтуге бағытталған кезекті бағдар­ламаны іске асырғанына 10 жылға жуық уақыт болды. Соның бірі «Еңбек» бағ­дарламасы аясында жастарға қолдау таны­тудың тың тәсілі атанған «Жастар тәжі­рибесі» бағдарламасы. Алдымен «Атал­мыш жобаның берері не және жастар үшін қаншалықты тиімді?» деген сұраққа тоқталайық. Бұл белгілі бір маман­дықты игеріп, қолына жолдама қағаз, яғни дипломын алған жастардың нарық заманында жұмыс таппай, тауын шағып, сағын сындырмай, бетін қайтар­майтын мемлекеттік бағдарлама. «Жас­тар тәжірибесі» оқу аяқталғаннан кейін бес жыл мерзім ішінде меңгерген маман­дығы бойынша (техникалық және кәсіп­тік, орта білім мен жоғары оқу орнынан кейінгі) түлектерге арналған. Яғни, отыз бес жасқа толмаған жұмыс­сыздар қатысады. Егер жас түлек бір жыл тәжірибеден өткен кәсіпорын-ұйым­ның көңілінен шықса, тұрақты жұмыс­қа қабылдауға хақылы. Бірегей мүмкін­дікті жастар қалт жібермеуге тырысады. Өйткені, бұл – тұрақты жұмыспен қамтылуына жасалған алғашқы қадам. Бұған жас мамандар ғана емес мемлекет те мүдделі.
Т.Рысқұлов аудандық «Мансап» орталығы «Жастар тәжірибесі» және де «Алғашқы жұмыс орны» жобасы бойынша жыл басынан бастап, жоғары немесе арнаулы орта білім­дері­мен әр түрлі мамандықтармен жастарды мекемелерге, шаруа қожалықтарына және жеке кәсіпкерлерге жұмысқа жол­дап жатыр. Биыл «Жас­тар тәжіри­бесі» арқылы 200, «Алғаш­қы жұмыс орны» жобасы бойын­ша 48 азамат жос­парланып, жоспар толығы­мен орындалды. Яғни, «Жастар тәжірибесімен» 200, «Алғаш­қы жұмыс орны» жобасы бойынша 48 азамат жұмысқа жолданды. «Мансап» орталығы­ның жолдамасымен «Жастар тәжіри­бесі» бойынша 12 ай, «Алғашқы жұмыс орны» жобасы бойынша 18 ай мерзімге жұмысқа қабылданып, өздерін білікті маман ретінде көрсетіп, мерзімі аяқталғаннан кейін аталған мекемелерге аудандық орталық ауруханасына, «Жомарт Дента» ЖШС-не, мектептерге тұрақты жұмыспен қамтылғандар да бар.
Қазір қолында дипломы бар, бірақ мамандығына сай қызмет таппай жүргендер қаншама? Аталмыш жоба екі қолға бір күрек таба алмай жүрген жастарға зор мүмкіндік сыйлайды. «Жастар тәжірибесін» уақытша еңбек ету алаңы десек те, жас маманның қызметіне машықтануына мүмкіндік мол. Олай болса, кез келген жасқа ел үшін еңбек етіп, жарқын жетістікке жетуге әбден болады.

Эльмира Қаймасарова,
«Мансап» орталығының маманы.

Поделиться ссылкой: