Көшпелі сот отырысына студенттер де қатысты
160 Views
Өткен жұмада Жамбыл көлік прокуратурасы Т.Рысқұлов аудандық сот ғимаратында Құлан агротехникалық жоғары колледж білімгерлерін тарта отырып, сот отырысын ұйымдастырды. Ондағы басты мақсат – мемлекеттік айыптаушылардың қызметін жан-жақты көрсету және қылмыстар мен құқықбұзушылықтардың алдын алу бағытында қоғамдық оң пікір қалыптастыру.
Жиынға Жамбыл көлік прокуратурасының қызметкерлері, Түрксіб станциясының желілік полиция бөлімінің басшысы, аталған колледждің білімгерлері мен ұстаздары және БАҚ өкілдері қатысты.
Аталмыш сотта ҚР ҚК-нің 296-бабының 4-бөлігі, яғни аса ірі мөлшердегі есiрткi, психотроптық заттарды заңсыз дайындау, қайта өңдеу, иемдену, сақтау, тасымалдау бойынша қылмыстық іс қаралды. Айта кетейік, аталмыш іс-шарада халық және жасөспірімдер арасында қоғамдық тәртіпті сақтау және құқық бұзушылықтың алдын алу, жас буынға есірткінің қауіпті қатер екендігін түсіндіру, оның соңы жақсылыққа апармайтындығын көрсетіп, ұғындыру басты назарға алынды.
Алдағы уақытта да аталған бағыттағы іс-шаралар өз жалғасын табатын болады.
Жамбыл көлік прокуратурасы.