Өрт – тілсіз жау

46 Views

Өрт оқиғалары көбіне тұрғын үйлерде және азаматтардың қосалқы бөлмелерінде орын алады. Өрт оқиғаларының шығу себебі әртүрлі болғанымен, негізгі себеп өрт қауіп­сіздік ережелерін сақтамаудан болады. Күнделікті «101» «112» қызметіне өрт оқиғалары туралы бірнеше хабарламалар түседі. Әр хабарлама түкпірінде қайғы-қасірет жатады. Біреудің үйі, біреудің мүлкі, ал кей кезде тұрғындар да зардап шегеді.
Жыл сайынғы статистикаға сүйенер болсақ, тұрғын үйлерді жылыту маусымы кезінде өрт оқиғалары күрт өсіп кетеді. Күннің сууы кезінде тұрғындар үйді жылыту мақсатында пеш және электр жылытқыш құрылғыларын қолданады.
Осыған байланысты Т. Рысқұлов ауданы Төтенше жағдайлар бөлімі аудан тұрғындары мен қонақтарына күннің сууына байланысты өрт қауіпсіздік ережелерін сақтауларыңызды есте­ріңіз­ге салады:
Пеш жағу кезінде өрт қауіпсіздік ережесін сақтаңыз! Пешті және құбырын тексеріп, күйе-күл­ден тазартыңыз. Мұржадағы, қуырдағы саңылау мен жарылған жерлерін дер кезінде сылау, пештер мен басқа да жылу беру құралдарының белгіленген норма бойынша жанғыш құрылысты өртке қарсы шегінісі болуы тиіс. Сондай-ақ, ауданы 50-70 см. кем емес, ешбір ақау мен мүлтіксіз қаңылтыр төселуі қажет. Пештерді тұтандыру үшін бензин, керосин, дизельдік жағармайларды және басқа да тез тұтанғыш, жанғыш сұйықтықтарды қолдануға тыйым салынады.
Электр қондырғылары мен электр бұйымдарын қолдану ке­зінде бұзылған розеткаларды, ажы­ратқыштарды, басқа да электр қон­дыр­ғыш бұйымдарды пайдалануға, стан­дартқа сай келмейтін қолдан жа­салған электр жылытқыштарды қол­дануға, қысқа тұйықталу мен артық сал­мақтан қорғайтын қолдан жасалған аппараттарды пайдалануға, өрт қаупін бол­дырмайтын әрі жанбайтын жылу оқшау­лағыш материалдан жасалған тіреуі мен жылу қорғағыш қондырғысы жоқ электр плиталарын басқа да жылытқыш құралдарды пайдалануға, жанып тұрған газды, электр құрылғыларын және пештерді қараусыз қалдыруға, жасөспірімдерді үйде жалғыз қалдыруға және шақпақпен ойнауына, темекі шегу кезінде темекі тұқылын еден немесе жанғыш материалдың үстінде қалдыруға тыйым салы­нады.
Өрт болған жағдайда «101» «112» теле­фон нөміріне қоңырау шалып, өрт болып жатқан жер­дің тура мекенжайын хабарлауды ұмытпаңыздар.

Аудандық Төтенше жағдайлар бөлімі мен
№10 Өрт сөндіру бөлімі.

Поделиться ссылкой: