Құқықтық тәртіп
120 Views
Қазақстан Республикасы ІІМ-нің 2024 жылдың 7 наурызындағы шығыс №1-5-5-4-62/1226-И реттік санымен жолдаған нұсқауына сәйкес, көшелерде және басқа да қоғамдық орындарда тиісті қоғамдық тәртіпті сақтау, жол-көлік оқиғаларының алдын алу, қылмыстарды ескерту және жолын кесу мақсатында, 2024 жылдың 15-17 наурыз аралығында аудан аумағында республикалық «Құқықтық тәртіп» жедел-профилактикалық іс-шарасы өткізілді.
Көшелерде және өзге де қоғамдық орындарда қоғамдық тәртіпті сақтау, жасалған қылмыстарды ашу, сондай-ақ, жол-көлік оқиғаларын өрескел бұзған тұлғаларға әкімшілік құқық бұзушылық толтырылатыны туралы ескертілді.
Қылмыстық және әкімшілік құқық бұзушылықтар жасалуы мүмкін орындарда, сондай-ақ, азаматтардың жаппай шоғырлану орындарында, оларға патрульдік кешенді күштерінің патрульдік жасақшаларының бағыттарын жақындата отырып, құқықтық тәртіпті қамтамасыз етуге бақылау күшейтілді. Ішкі істер органдары есептерінде тұратын тұлғаларды тексеру жүзеге асырылды (бұрын сотталғандар, маскүнемдер, нашақорлар, психикалық науқастарды, әкімшілік қадағалау белгіленген, «педофил» және «психикалық мекемелерде есепте тұратын педофилдер»). Тыйым салынған заттарды (есірткі құралдарын, атыс қаруын, жарылғыш заттарды және т.б.) заңсыз сақтау немесе тасымалдайтын адамдарды анықтау бойынша жұмыс күшейтілді. Қылмыстарды «ізін суытпай», бұрын жасалған қылмыстарды ашу және оларды анықтауға бағытталған басқа да шараларды қабылдау, қылмыстар мен құқық бұзушылықтардың алдын алу мақсатында жұмыстар жүргізіледі.
Саяжай алқаптарын, демалыс аймақтарын, құрылыс объектілерін, базарларды, техникалық қызмет көрсету станцияларын, шаруа және фермер қожалықтарын, шалғайдағы учаскелерді, қыстауларды және басқа да шалғай жерлерді, оның ішінде азаматтарды еңбекке пайдалану, қару-жарақ заттарын заңсыз сақтау фактілерін анықтау мақсатында да жұмыстар жүргізілді.
Аудандық полиция бөлімі.