Чемпион Мұрат
183 Views
Жуырда Алматы қаласында жасөспірім оқушылар арасында жеңіл атлетикадан ҚР чемпионаты өткен болатын. Осы чемпионатта Бауыржан Момышұлы атындағы орта мектептің оқушысы Мұрат Молдаш өзін жақсы қырынан көрсетіп, бапкерлер көзіне ілікті. Ол 5000 шақырымдық спорттық жүруден қарсыластарының барлығын артта қалдырып, жүлделі І орынды жеңіп алды. Жалпы, Бауыржан Момышұлы атындағы орта мектептің оқушылары соңғы жылдары жеңіл атлетикадан жақсы көрсеткіштер көрсетіп жүр. Ілгеріде Елена Хуголь деген оқушы да күллі республикаға осы мектептің атын танытқан. Бұның бәрі мектептегі дене шынықтыру пәні мұғалімдерінің атқарған еселі еңбегі. Осы орайда, Мұрат Молдашты жеңіл атлетикаға қызықтырып, талабын шыңдаған Бауыржан Момышұлы атындағы орта мектептің дене шынықтыру пәнінің мұғалімі Жүніс Бектемишевтің еңбегі орасан зор. Алдағы уақытта да талай жарыстарда Мұрат Молдаш ауданымыздың абыройын асқақтатады деп сенеміз.
М.Жолдасбекұлы.