Құлан ауылдық округі əкімінің сайлауына «AMANAT» партиясынан үміткер СЕЙТЖАПАРОВ ЕРКІН СЕРІКХАНҰЛЫНЫҢ өмірбаяны мен 2024-2028 жылдарға арналған САЙЛАУАЛДЫ БАҒДАРЛАМАСЫ

Өмірбаяны
Сейтжапаров Еркін Серікханұлы 1982 жылдың 2 қыркүйегінде Жамбыл облысы, Т.Рысқұлов ауданы, Луговой ауылында дүниеге келген. 2003 жылы М.Х.Дулати атындағы Тараз мемлекеттік университетін тәмамдаған. Мамандығы – тарих, құқық және экономика негіздері пәнінің мұғалімі. Ұлты – қазақ. Білімі – жоғары. Еңбек жолын 2003 жылы Құлан ауылындағы Құлан орта мектебінің алғашқы әскери дайындық пәнінің мұғалімі болып бастаған. 2005-2006 жылдары аудандық білім бөлімінде әдіскер, 2006-2010 жылдары Т.Рысқұлов ауданы білім бөлімінің жетекші маманы ретінде қызмет атқарған. 2010-2012 жылдары Т.Рысқұлов ауданы әкімдігі білім бөлімінің бас маманы, 2012-2017 жылдары Т.Рысқұлов ауданы әкімдігі білім бөлімінің сектор меңгерушісі болды. 2017 жылы Т.Рысқұлов ауданы әкімдігі ішкі саясат бөлімінің басшысы, 2017-2018 жылдары Т.Рысқұлов ауданы әкімдігі білім бөлімінің сектор меңгерушісі, 2018 жылы Құлан ауылдық округінің әкімі, 2018-2019 жылдары Т.Рысқұлов ауданы әкімдігі білім бөлімінің басшысы болып қызмет істеген. 2020 жылдың 3 шілдесінен бастап Құлан ауылдық округінің әкімі қызметін атқарып келді. Сондай-ақ, 2005 жылдан бастап «AMANAT» партиясының мүшесі.
2024-2028 жылдарға арналған сайлауалды бағдарламасы
Мен, Сейтжапаров Еркін Серікханұлы Құлан ауылдық округі әкімінің лауазымына сайланған жағдайда өзімнің білімім мен тәжірибемді пайдалана отырып, ауылымыздың көркейіп-гүлденуіне аянбай еңбек етемін.
Сайлауалды бағдарламамның басты мақсаты – ауылдық округ тұрғындарының әлеуметтік жағдайын арттырып, спортпен шұғылдануына жағдай жасау, өскелең ұрпақтың білім алуына қолайлы орта орнату.
– Жұмыссыздықты азайту мақ­са­тында мал шаруашылығын дамы­тып, үкімет тарапынан берілетін жеңіл­де­тілген несиелерді алуына ықпал етуге;
– Құлан, Шөңгер, Қарақат ауыл­дарындағы ішкі жолдарын асфальттау мәселелерін ше­шіп, ауылдардың көшелерін жарықтандыруға;
– Ауылды абаттандыру, көгал­дан­дыру жұмыстарын қолға алып, Ауған соғысы ардагерлері аллеясына күрделі жөндеу жұмыстарын жүргізуге;
– Шөңгер ауылы тұрғындарын таза ауыз сумен қамтамасыз етуге;
– Өскелең ұрпақтың сапалы білім алуына жағдай жасау бойынша Құлан ауылынан 300 орындық мектеп салуға;
– Ауылдың кадрлық әлеуетін артты­рып, ауылға жұмыс істеуге келген жастарға көмек көрсетіп, оларды тұрғын үймен қамтамасыз етуге, сондай-ақ, «Дипломмен ауылға» бағдарламасы бойынша ауылға жас мамандарды тарту жұмыстарын іске асыруға;
– Құлан ауылынан денешынықтыру сауықтыру кешенін салуға;
– Орталық стадионды қайта жаңғыртуға;
–Өскелең ұрпақтың шығар­машылықпен айналысуына жағдай жасау үшін оқушылар сарайын салуға;
– Халықтың құқықтық жəне қаржылық сауаттылығын арттыруға бар күш-жігерімді саламын!

Құрметті Құлан ауылдық
округінің сайлаушылары! Таңдау өз еркіңізде!

Поделиться ссылкой: