Қарақыстақ ауылдық округі əкімінің сайлауына «AMANAT» партиясынан үміткер Дәлібаев Серікбай Берікқожаұлының өмірбаяны мен 2024-2028 жылдарға арналған САЙЛАУАЛДЫ БАҒДАРЛАМАСЫ

Өмірбаяны
Дәлібаев Серікбай Берікқожаұлы 1963 жылдың 2 шілдесінде Жамбыл облысы, Рысқұлов ауданы, Құлан ауылында дүниеге келген. Ұлты – қазақ. Білімі – жоғары. 1992 жылы Алматы ветеринарлық институтын «ветеринар» мамандығы бойынша бітірген. Өз еңбек жолын 1982 жылы Қорағаты совхозының қызметкері, жүргізушісі болып бастаған. Одан кейін 1988-1989 жылдары Қорағаты ауылында комсомол комитетінің хатшысы, 1989-1992 жылдары Қорағаты совхозы директорының орынбасары болып қызмет атқарған. 1992-1996 жылдары №3 Қорағаты совхозының басшысы, веттехнигі болып, 1996-2002 жылдары – «Әділжан» шаруа қожалығының басшысы болып жұмыс атқарады. 2002-2008 жылдары «Бақдәулет» колледжі директорының орынбасары, 2008-2010 жылдары «Көкқия – 2010» ЖШС директоры болып қызмет істеген. 2010 жылдан бері Т.Рысқұлов ауданы ветеринариялық станциясы» шаруашылық жүргізуші құқығындағы КММ басшысы қызметін атқарып келеді. 2008 жылдан бастап «AMANAT» партиясының мүшесі.
2024-2028 жылдарға арналған сайлауалды бағдарламасы
Мен, Дәлібаев Серікбай Берік­қожаұлы Қарақыстақ ауылдық округі әкімінің лауазымына сайланған жағ­дайда, барлық жұмыстарды өзіміз­дің Ата Заңымызбен, қолданыстағы нормативтік-құқықтық актілер негі­зінде ұйымдастыратын боламын. Ауылдық аймақтарды дамытуға арнал­ған бағдарламалар мен атқарылатын жұмыстардың Қарақыстақ ауылдық округінде жүзеге асырылуын қамта­масыз ету үшін ауыл тұрғындарымен бірігіп, сонымен қатар өзімнің білімім мен тәжірибемді пайдалана отырып, ауылымыздың көркейіп-гүлденуіне аянбай еңбек етемін.
Менің сайлауалды бағдарла­мамның негізгі бағыттары:
– Ауылдық округ тұрғындарының әлеуметтік жағдайын арттырып, спортпен шұғылдануына жағдай жасап, өскелең ұрпақтың білім мен тәрбие алуына қолайлы орта орнату;
– Білім, денсаулық сақтау және әлеуметтік саладағы сапалы қызметтерге қолжетімділікті қамтамасыз ету арқылы ауыл тұрғындарының өмір сүру жағдайларын жақсарту;
– Ауыл жастарына қолдау көрсету, жаңа идеялар мен кәсіп ашуға бастамаларды жүзеге асыру;
– Қарақыстақ ауылдық округінің жол және көлік инфрақұрылымын, тұрғын үй коммуналдық саласын жаңғыртуға;
– Ауылдық округтегі орта мектептегі тиімді білім және тәрбие беру үрдісі қалыптасып, ауыл халқына сапалы медициналық қызмет көрсетілуіне;
– Ауылды абаттандыру, көгал­дандыру жұмыстарын қолға алу, ауылдағы қатты тұрмыстық қоқыстан тазартуға бағытталған қоқыс қалдық­тарын сұрыптау кешенін салуға ықпал ету;
– Ауыл жастарын рухани-патриот­тық тәрбиелеуге, рухани әлеуеті жоғары қоғамды дамытуға бағытталған жұмыстарды жүргізу;
– Каменка, Тасшолақ, Қазақ, Жал­пақсаз ауылдарындағы ішкі жолдарын асфальттау мәселелерін, ауылдардың көшелерін жарықтандыру;
– Каменка ауылына дене шынықтыру сауықтыру кешенін салу;
–Тасшолақ ауылындағы 150 орын­дық мектеп мәселесін, Каменка ауылын­дағы күрделі жөндеуді қажет ететін дәрігерлік амбулаторияның мәселесін шешуге әрекет жасаймын.

Құрметті Қарақыстақ ауылдық округінің сайлаушылары!
Таңдау өз еркіңізде!

Поделиться ссылкой: