Еліне елеулі, халқына қалаулы жан еді…

33 Views

Өлім-жоқ болу емес, керісінше бұл жалған дүниедегі тапсырманы орындау бол­ған­дықтан кейін, бұйрық кел­генде мәңгілік демалысқа шығу деп, Мұқағали Мақатаев ақын жырлаған. Досым Пазыл Әбілдаұлы артына із қалдырып, оның өшпес ең­бе­гінің жемісі. Ол өзінің еңбек­қорлығының арқасында тек өзін ғана ойламай, қоғамға керекті дүниелер жасады.
Мемлекеттен субсидия алып, өзінің адал еңбегімен тапқан қаражатты бір-біріне жалғап, тиімді пайдалана білді.
Аудан халқы бүгінгі күні базарында, тау самалында 200-дей адам еңбек етіп, бала-шағаларының нәпақасын тауып, тұрмыстық жағдайларын жақ­­сартуда. Пазыл Әбілдаұлы осыған себепші болды.
Оның қалдырған мұрасына қарап Пазылдың болмысы, адами қасиеті, еңбекқорлығын көріп өзі жоқ болса да, ісінің мәңгілік екені көрінеді. «Бұл дүниеден өткенмен Арыс­тан, артында есіп келеді тірі Арыстан» – демекші, артын­дағы мұрагері болған Данияр­дың, әкесінің мұрасына деген қамқорлығы мені қуантады.
Пазылдың тағы бір қа­сиеті бар. Ол алдына келген адамдардың қолын бос қайтар­майтындығында.
Бір айтарым, Пазыл Құлан ауылдық округі әкімінің мін­детін атқарушы Серік Бай­мұратовты шақырып, округтегі жағдайы төмен отбасылардың тізімін жасап, Алматыдан он отбасының балаларына планшет алып, балаларды қуантты. Фото­тілші Талғат марқұм төр­теуміз балаларды үйме-үй араладық. Алайда Пазыл әрбір жағдайы төмен отбасылардың тұрмыс жағдайларын өз көзі­мен көріп, осындай төменгі күнкөріс жағдайда тұратын кісі­лер бар екен ғой, – деп мұңай­ғанын байқадым. Осындай әрекеттеріне қарап, ол кісінің көңілінің қандай екенін білуге болады. Өлді деуге бола ма айтыңдаршы, еліне елеулі хал­қына қалаулы, артына ізін қалдырған адамды. Осы айдың 8-інде 70-жасқа толар еді…Бір кем дүние…
Досым, жаның жәннатта болсын. Артыңдағы ұрпағың аман болсын!

Мұратхан ЫСТЫБАЕВ,
ауданның «Құрметті азаматы».

Поделиться ссылкой:

Добавить комментарий