Луговой ауылында жол жөндеу жұмыстары жүргізілуде
93 Views
Бүгінде ауданда жол жөндеу жұмыстары қызу жүргізілуде. Ауданның қай тарабына барсаң жөнделіп жатқан жолдарды көресің. Бәрі де халық игілігі үшін… Атап айтқанда, Луговой ауылындағы көшелерге асфальт төсеу жұмыстары жүргізілуде. Аталмыш округте биыл бес бірдей көше жөндеуден өтеді. Бұл жұмыстар «Ауыл – ел бесігі» мемлекеттік бағдарламасы аясында жүзеге асуда.
Осы ретте аудан басшысы Ернар Есіркепов жауапты мердігерлерге жөндеу жұмыстарының кемшілік тұстарын айтып, оларды жою жөнінде нақты міндеттер қойып, тиісті сала басшыларына орташа жөндеу жұмыстарының сапалы және мерзімінде атқарылуын қатаң қадағалауды тапсырған болатын. Тұрғындар қатынасына қолайлы жағдай жасау үшін сала басшыларына жөндеу жұмыстарын сапалы етіп, қысқа мерзім ішінде аяқтау жөнінде бірқатар тапсырмалар жүктелді.
«Құлан таңы» ақпарат.