Мал ұрлағаны үшін – қатаң жаза тағайындалды

Тұрар Рысқұлов аудандық сотымен мал ұрлау, яғни мал қораның ауласына бөтеннің малын жасырын жымқыру бойынша (ҚР ҚК 188-1бабы 3-бөлігі 2-тармағы) айыпталған B.-ға қатысты қылмыстық іс қаралды.
Сотталушы B., жасырын ұрлық жасап, Тұрар Рысқұлов ауданы Қ. ауылдық округіне тиесілі жалпы саны 49 бас ірі қара малының ішінен 5 бас иесіз ірі қара малдарын өзінің үйіне айдап алып келіп, нәтижесінде жәбірленуші Қ. ауылының әкімшілігіне жалпы құны 1 000 000 теңге мүліктік залал келтірген.
Жәбірленуші өкілі сотталушыға бас бостандығынан айырмауды сұрады. Келтірілген залал толығымен өтелген.
В. кінәсін толық мойындайды.
В-ның кінәсі іс бойынша жиналған дәлелдермен, яғни сотталушының, жәбірленушінің айғақтары мен заттай дәлелдемелермен дәлелденді.
Сот шешімі:
В.-ның 188-1-бабының 3-бөлігінің 2-тармағында жасаған әрекеті ауыр қылмыстарға жатады және оны жасағаны үшін 5 жылдан 10 жылға дейін бас бостандығынан айыру жазасы қарастырылған.
Жасалған қылмыстардың сипаты мен қоғамдық қауіптілік дәрежесін ескере отырып, В.-ға түпкілікті – 5 жылға бас бостандығынан айыру жазасы тағайындалды.

«Құлан таңы» ақпарат.

Поделиться ссылкой: