Экосананы қалыптастыру – маңызды міндет
251 Views
Сейсенбі күні Құлан агротехни-калық жоғары колледжінде аудандық «Жастар ресурстық орталығы» КММ-нің ұйымдастыруымен маңызды кездесу өтті. Бұл шараның басты мақсаты – жастар бойында экологиялық мәдениетті қалыптастыру, табиғатты қорғауға деген жауапкершілікті арттыру. Кездесуге құрметті қонақ ретінде түрлі салада еңбек еткен ардагер Серікбай Өтегенов шақырылып, өз өмірлік тәжірбиесімен бөлісті. Ақсақал жастарға табиғатты аялаудың маңыздылығын түсіндіріп, құнды ақыл-кеңестерін айтты. Ал «Жастар ресурстық орталығы» КММ-нің директоры Ерболат Жәдік жастардың «Таза Қазақстан» акциясы аясында атқарған игі істерін баяндап, қоршаған ортаны қорғаудағы белсенділіктерін ерекше атап өтті. Айта кету керек, өткен жылы жастардың және «Жасыл ел» жасағының қатысуымен көптеген сенбіліктер, экоакциялар ұйымдастырылған. Ал колледж басшылығының бастамасымен былтыр аулада білімгерлерге арналған шағын аллея ашылған. Экологиялық сана – жарқын болашақ кепілі! Осындай кездесулер жас ұрпақтың табиғатқа деген сүйіспеншілігін арттырып, оларды игі бастамаларға жұмылдыратыны сөзсіз.
«Құлан таңы» ақпарат.