Маңызды мәселелер назарға алынды

Өткен аптада аудан әкімі Ернар Есіркеповтің төр­аға­лығы­мен өткен жиында өңірдің әлеуметтік-эконо­микалық дамуына қатысты бірқатар өзекті мәселе­лер талқыланды.

Күн тәртібінде қозғалған негізгі тақырып­тар­дың бірі – 2024 жылы облыс және аудан әкімі­нің халықпен кездесулерінде көтерілген мәселе­лердің орындалу барысы. Бұл туралы жиында аудан әкімі аппаратының басшысы Ернар Құралбаев кеңінен айтып, баяндама жасады. Ол әкімдік­ке жүктелген іс-шаралар жоспары бойынша атқа­рылған жұмыстарды саралап, әр мәселенің орын­далу деңгейіне тоқталды. Сонымен қатар жиында абаттандыру және санитарлық тазалық жұмыстары, ауылдық округтердегі жасыл желектер аумағын ұлғайту, саябақтар мен көшелердің тазалығы, көктемгі сенбіліктерді өткізу мәселелері талқыланды. Жауапты басшыларға санитарлық талаптарды күшейту, қоқыс алаңдарын ретке келтіру, тазалық шараларын жүйелі жүргізу, ескерткіштер аумағын абаттандыру жөнінде нақты тапсырмалар жүктелді. Жиын барысында аудан әкімі Ернар Серікәліұлы жауапты бөлімдер мен тиісті мекемелерге көтерілген мәселелерді шешу үшін нақты міндеттер жүктеп, атқарылған жұмыстардың нәтижесі қатаң бақылауда болатынын айтты.

Жәнібек Базылбек.

Поделиться ссылкой: