Мамай мен Сөгетіге таза ауыз су келді
55 ViewsӨткен жұмада Қайыңды ауылдық округіне қарасты Сөгеті және Мамай ауылдарының тұрғындары үшін тарихи күн болды. Олай деуге толықтай негіз бар. Себебі талай жылдан бері…
Мамай мен Сөгетіге таза ауыз су келді
55 Views
Өткен жұмада Қайыңды ауылдық округіне қарасты Сөгеті және Мамай ауылдарының тұрғындары үшін тарихи күн болды. Олай деуге толықтай негіз бар. Себебі талай жылдан бері түйіні тарқатылмай келген ауыз су мәселесі өз шешімін тауып, ауыл тұрғындары таза тіршілік нәріне қол жеткізді.
Жалпы құны 1 миллиард теңгеге жуық болатын қос жоба мемлекеттік бюджет есебінен қаржыландырылып, құрылыс жұмыстарын «ТемірСтройСервис и Ко» және «Пырақ-Құрылыс» ЖШС-і атқарды.
Ашылу салтанатына арнайы қатысқан аудан әкімі Ернар Есіркепов бұл жобалардың «Халық үніне құлақ асатын мемлекет» тұжырымдамасымен 2025 жылдың соңына дейін елдімекендерді толық ауыз сумен қамту жөніндегі тапсырмасы аясында жүзеге асқанын атап өтті.
Бұған дейін тіршілік нәрін көше басынан тасып ішіп келген тұрғындар енді үйлерінен-ақ таза суды пайдалана алады. Ауыл ақсақалдары мен тұрғындары жаңа игіліктің іске қосылғанына дән риза болып, ел игілігі үшін еңбек еткен азаматтарға ақ батасын берді.
Айта кету керек, соңғы үш жылда аудан аумағындағы ондаған елдімекен ауыз сумен қамтылса, жыл соңына дейін тағы үш нысан – Шөңгер, Құлан және Р.Сәбденов ауылдарындағы су имараттары іске қосылмақ. Осылайша Мемлекет басшысының тұрғындарды таза ауыз сумен қамту жөніндегі тапсырмасы аудан аумағында толық орындалмақ.
Жәнібек Базылбек.