Гендерлік саясат – тек әйелдердің мүддесін қорғау құралы емес…

Гендерлік саясат – әйелдер мен ерлердің қоғам өмірінің барлық салаларында тең құқықтары мен мүмкіндіктерін қамтамасыз етуге бағытталған мемлекеттік және қоғамдық іс-шаралар жүйесі. Бұл саясат демократиялық, әділ қоғам құрудың маңызды тетігі болып саналады.
Гендерлік саясаттың негізгі мақсаты – әйелдер мен ерлердің әлеуметтік, экономикалық және саяси өмірдегі теңдігін қамтамасыз ету. Ол тек әйелдердің құқықтарын қорғау емес, сонымен қатар қоғамдағы барлық гендерлік топтардың әлеуетін толық ашуға мүмкіндік береді.
Негізгі бағыттары мыналар: білім мен ғылымда әйелдер мен ерлерге тең қолжетімділікті қамтамасыз ету;
– еңбек нарығында және жалақы төлеуде әділдік орнату;
– саяси шешім қабылдау үдерісінде әйелдердің үлесін арттыру;
– отбасы мен қоғамдағы зорлық-зомбылыққа қарсы күрес жүргізу.
Қазақстанда гендерлік саясат мемлекеттік деңгейде жүзеге асырылып келеді. Мемлекет әйелдердің экономикалық белсенділігін арттыру, басшылық лауазымдардағы үлесін көбейту, әйелдерге арналған кәсіпкерлікті дамыту бағдарламаларын іске асыру сияқты нақты шаралар қабылдауда.
Гендерлік саясат – тек әйелдердің мүддесін қорғау құралы емес, бүкіл қоғамның дамуына әсер ететін фактор. Гендерлік теңдікке қол жеткізу – әлеуметтік әділдік пен өркениеттіліктің басты көрсеткіші.

С.Қалқабаев,
Тұрар Рысқұлов аудандық сотының судьясы.

Поделиться ссылкой: