Пробация бөлімі хабарлайды

125 Views

Пробация бөлімі хабарлайды

Жамбыл облысы бойынша ҚАЖД Т.Рысқұлов аудандық пробация қызметінде бас бостандығын шектеу және шартты түрде сотталғандар үшін 8 электрондық бақылау құралдар (ЭБҚ) қолданылған.

Қылмыстық-атқару кодексінің 69 және 174-баптарына сәйкес, пробация қызметі бас бостандығын шектеуге және шартты түрде бас бостандығынан айыруға сотталған адамдарға, сондай-ақ, кәмелетке толмағандардың жыныстық қол сұғылмаушылыққа қарсы қылмыс­тары үшін электрондық бақылау құрал­дарын пайдалануға құқылы.

Электрондық бақылау құралдарын қолдану арқылы пробация қызмет­керлері нақты уақыт режимінде соттал­ған адамның қозғалысы туралы ақпа­ратты алу мүмкіндігіне ие.

Пробациялық бақылаудың шарттары бұзылған жағдайда, мысалы, мони­торинг жасау кезінде ойын-сауық орын­дарына барған жағдайда, немесе сағат 22.00-ден кейін үйден шығуға тыйым салынған жағдайда, пробация қыз­меткерлері одан әрі әрекет ету үшін оқиға туралы сотталғаннан жаз­ба­ша түсініктеме алады.

Сондай-ақ, батарея заряды төмен­дегенде хабарландырулар алы­нады. Білезіктерде сотталушы шұғыл көмек көрсеткен жағдайда пайдалана алатын «SOS» түймесі орнатылған.

ЭБҚ-дар сотталғандарды тұрақты қашықтықтан бақылауға және қадаға­лауды күшейтуге мүмкіндік береді және қылмыстың қайталануының алдын алып, профилактикалық әсер етеді.

 Б.ҚАШЫМ,

Т.Рысқұлов аудандық Пробация бөлімінің инспекторы, әділет лейтенанты.

Поделиться ссылкой: