JASTARǴA ZOR JAÝAPKERSHILIK JÚKTEIDI

JASTARǴA ZOR JAÝAPKERSHILIK JÚKTEIDI

El Prezıdenti N.Á.Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýy halyqtyń jarqyn bolashaǵynyń negizi dep oılaımyn. Osy ýaqytqa deıingi atqarylǵan jumystardyń nátıjesin kórip, kúndelikti ómirde sezinip júrmiz. Elbasy Joldaýynda atqarylýy tıis jumystardy naqty tapsyrmalar berý arqyly naqtylap otyrdy. Endeshe, Elbasy tapsyrmalary mindetti túrde oryndalatyny anyq. 2019 jyldyń «Jastar jyly» dep jarııalanýy jumyssyz júrgen bilikti jas mamandarǵa zor múmkindik týǵyzdy. «Jas kelse iske» demekshi Elbasy senim artqan el jastaryn «Bolashaǵymyz» dep tanyp, óz qyzmet salamyzda olardyń kásibı biliktiligin arttyrýǵa jaǵdaı jasaýymyz qajet. Jastardy mamandyqqa beıimdeýdi mindetimizge alýymyz kerek.

Máselen, «Nurhat Nurzat» bóbekjaı baqshasynda jas tárbıeshi mamandarǵa túrli ádistemelik kómekter kórsetiledi. Kásibı mamandyqqa beıimdeý is-sharalary barysynda A.Kerimbaeva, A.Abdýrasýlova syndy jas tárbıeshiler óz mamandyqtarynyń shyn janashyrlary ekenin baıqatty. Al, jas psıholog R.Jylqybaeva «Prezıdentimiz óz Joldaýynda 2019 jyldy «Jastar jyly» dep ataýy jastarǵa jaýapkershilik júkteıdi. «Mektep psıhologtarynyń jumystaryn kúsheıtý kerek», — degen tapsyrmasynan psıholog mamany retinde ózimdi jańa pedagogıkalyq-ınnovacııalyq tapsyrystar kútip turǵandaı sezindim. Izdenip, jańa belesterden, qoǵam jańalyqtarynan qalmaı, jas urpaqty tárbıeleýde jemisti qyzmet nátıjesin kórsetýge atsalysatyn bolamyn», — deıdi ózine mindettelgen jaýapkershilikti jete túsinip.

Árbir jas mamannyń alańsyz qyzmet etýine jaǵdaı jasaý – tájirıbeli áriptester men basshylardyń quzyrynda. «Jastardyń rýhanı qundylyqtaryn damytý, rýhanı-adamgershilik qasıetterin qalyptastyrý úshin pedogogıkalyq ujymda tıimdi is-sharalar atqarylyp keledi», — deıdi bóbekjaı meńgerýshisi R.Bıǵabylova.

«Búgingi kishi – erteńgi kisi» qaǵıdasyna súıenip, jas mamandardy ǵana emes, bóbekjaıǵa kelýshi búldirshinderdiń de boıyndaǵy Otansúıgishtik, ultjandylyq qasıetterin damytyp kelemiz. Búldirshinderdiń ulttyq rýhyn baıytý, rýhanı sanasyn jańartý, patrıottyq sezimin qalyptastyrý – bizdiń kúndelikti jumysymyzdyń ajyramas ózegi.

SH.SEISENBAEVA,

«Nurhat Nurzat»

bóbekjaı baqshasynyń ádiskeri.

Поделиться ссылкой: