BILIM-óziń úshin, JETISTIK-Otan úshin

340 Views

BILIM-óziń úshin, JETISTIK-Otan úshin

Memleket basshysy N.Nazarbaev «Bolashaqqa baǵdar: rýhanı jańǵyrý» maqalasynda «Tabysty bolýdyń eń irgeli, basty faktory bilim ekenin árkim tereń túsinýi kerek. Jastarymyz basymdyq beretin mejelerdiń qatarynda bilim árdaıym birinshi orynda turýy shart. Sebebi, qundylyqtar júıesinde bilimdi bárinen bıik qoıatyn ult qana tabysqa jetedi» — degen bolatyn. Árıne, bilim qaı ýaqytta da, qaı ǵasyr, qaı zaman bolmasyn, adamzat qundylyqtarynyń eń joǵarǵy satysy bolyp sanalady. Bilim – ınemen qudyq qazǵandaı qıyn, asyl marjandaı qundy dúnıe. Adamnyń eshkim tartyp ala almaıtyn erekshe baılyǵy bolsa, ol – tek qana bilim. Bilimnen asqan qasıet joq. Endeshe, bilim alyp, bilikti bolý – árbir adamzat balasynyń basty muraty.

Men qazirgi jastarymyz bilimsiz tirshilik joq ekenin tereń túsinedi dep oılaımyn. Búginde óz bilimin dáleldep, memlekettik granttar jeńip alyp, shet elderde oqýyn jalǵastyryp jatqan jastar kóp elimizde. Árıne, óz óneri men bilimin shyńdap, oqyp-úırenip, sol alǵan bilimi men tájirıbesin qoldana otyryp, qoǵamdaǵy óz ornyn taýyp, elimizdiń ıgiligine jumsasa, osy – naǵyz nátıje. Iaǵnı, árbir adamzatqa onyń ómir súrýi úshin, taǵdyr jolynda qajet bolǵandyqtan, bilim alý – mindet. Al sol bilimniń nátıjesin kórsetip, jetistikke jetý, halyqtyń ıgiligine jumsaý – Otan aldyndaǵy asyl boryshymyz. Bilimdiniń bolashaǵy qashan da jarqyn, maqsaty aıqyn keledi. Sol sebepti de, bilimniń saltanat qurýy memleketimiz úshin bıik mártebe. Elimizde bilimdi jastar sany kóbeıgen saıyn, memleketimizdiń alar asýlary men jeter jetistikteri de molaıa túspek. Endeshe basty qundylyǵymyzdy kún sanap jetildirý, zaman talabyna saı jańa úrdiske beıimdelý, tehnıkany jetik meńgerý bárimiz úshin qajet. Ásirese, jastar qaýymy bilimniń báseke qurǵan zamanynda el ekonomıkasynyń alǵa jyljýyndaǵy basty qozǵaýshy kúsh bolýy tıis.

B.SAMYLTYROV,

aýdandyq bilim bóliminiń

sektor meńgerýshisi.

Поделиться ссылкой: