Қазақстан қазынашылығы мекемесіне — 25 жыл

458 Views

Қазақстан қазынашыларына елдің бюджет жүйесінің қалыптасуына орасан зор үлес қосып, мемлекет қаржысын басқаруда лайықты орын алып келеді.
Қазақстан Республикасы Тұңғыш Прези­дентінің 1994 жылғы 27 қаң­тар­дағы Жарлығымен халықтың әл-ауқатын арттыруға бағытталған мемлекеттік функциялардың сапалы орындалуын қамтамасыз ететін ашық, тиімді және тұрақты бюджетке қол жеткізу үшін мемлекеттік қаржыны тиімді басқарудың құралы ретінде Қаржы министрлігі жанынан Қазынашылықтың бас басқармасы құрылды.
Қазынашылыққа бюджеттерді ат­қару, бюджеттік және бухгалтерлік есеп­ті, бюджеттік мекемелер мен қар­жы жүйесіндегі бухгалтерлік есеп әдіс­намасын жүргізу функциялары берілді. Бұдан басқа, қазынашылық мақсат бойынша пайдаланылмайтын қаражатты кері қайтарып алу құқығымен бюджет қаражатының пайдаланылуын бақылау бойынша үлкен өкілеттіктерге ие болды.
Біріншіден бағдарламаны қамта­масыз ету (БАСК-М) болып табылады. Ол 2003 жылы қазынашылықтың біріктірілген ақпараттық жүйесі деп аталатын «Oracle» платформасында мемлекеттік қаржыны басқару жөніндегі қазіргі қолданыстағы ақпараттық жүйеде жаңғыртылды. Бұл – бірегей әрі ТМД елдері арасында жоғары бағаға ие болған жүйе. Дүниежүзілік банк сарапшыларының бағалауына сәйкес, Қазақстанның ақпараттық жүйесі ең тиімді және киберқорғалған деп танылған.
2008 жылдан бастап жаңа бюджет кодексінің күшіне енуіне байланысты Қазынашылық дамудың жаңа серпінді сатысына ие болды.
Қазынашы органдардың жедел жұмысына барлық өңірлердің тыныс-тіршілігі, сондай-ақ мемлекеттік бағдар­ламалармен орындалуы жатады. Бұған дейінгі жылдары қол жеткен тәжірибе мен даму қарқынын ескере отырып, қазынашы органдар өзінің алдына қойған міндеттерді жоғары деңгейде орындауда.
Қазіргі таңда аудандық қазына­шылық басқармасында 8 білікті маман қызмет атқарады. Сонау тоқырау заманынан бастап, егемен ел болып, өз елдігімізді, теңгемізді алған жыл­дары осы салада күн демей, түн демей валютаның теңгеге ауысуына ат салысқан Гүлдана Ергешқызы Оразбаева, Свиридова Людмила Васильевна және қазынашылық бас­қармасының құрылған күнінен бас­тап жұмыс істеп келе жатқан Айнұр Сапарқызы Тоқсабаева сияқты бі­лікті мамандарымызды айта кетпе­сек болмас. Сондай-ақ, бас қазына­шылар Ляззат Оңалбекованың, Нұр­лан Мәтқайымовтың, Мейіржан Құтты­баевтың және хатшы Назира Қырғызбаеваның еңбегін ерекше атап өткіміз келеді.
Қаржы саласы — мемлекетіміздің күре тамыры деп айтсақ еш жаңылыс­паймыз, сондықтан осы салада қызмет етіп жүрген барша қауымды төл мере­келерімен құттықтаймыз.

Р. Қоңыратбаев,
аудандық қазынашылық басқармасының басшысы.

Поделиться ссылкой: