Ел тарихын ертеңгілік арқылы ұғындырдық

667 Views

Біз тәуелсіз елдің түлегі болға­нымызға шексіз қуанамыз. Біздің отанымызды әлем таныды. Осы сәтте Отан туралы еріксіз ойға берілесің. Бұл ұғымның аясы кең. Отан – далаң, орман, тауың, ауылың мен астанаң.
Отан әр жұмыр басты пенденің киелі мекені, жер басып жүрген әр тіршілік иесінің шексіз байлығы. Тәй-тәй басқан нәресте де, еңкейген қа­рия да оның бір мүшесі.
Бүгінгі ұрпақ бақытты. Бейбіт те тыныш заманда, тоқшылықта өмір сүріп келеміз. Тарихқа шегініс жасасақ ата-бабаларымыз сан ғасыр бойы тәуелсіздік жолында күресті. Міне, сол ата-баба аңсаған асыл арманда­ры орындалып, Тәуелсіздіктің таңы атқалы да ширек ғасырдан асты. Қазір ел жастары тегін білім алып, әлем­нің алдыңғы қатарлы елдерімен тере­зесі тең мемлекетте өмір сүріп жүр.
Елбасы Нұрсұлтан Назарбаев «Ел болашағы жастардың қолында» деп жиі айтады. Ал, жастардың бо­лашағы балабақшадан бастау алады десек қателеспейміз. Өйткені, білім беру балабақша табалдырығынан басталады. Балабақша – барлық тәрбие мен білімнің ең алғашқы бас­палдағы іспеттес. Мұндағы тәрбие мен білім балалардың табиғи мінезін, қа­білетін ерте жастан дамытады. Бала – болашағымыз, бала – қуанышымыз. Ендеше мектепке дейінгі үздіксіз тәр­биемен, біліммен қамту өзімнің бас­ты мақсаттарымның бірі екенін қуа­на айта аламын. Күні кеше бала бойы­на Тәуелсіздік құндылықтарын сіңі­ру мақсатында Тәуелсіздік күніне орай «Тәуелсіз елім – Қазақстаным» ат­ты ертеңгілік өткіздік. Қазақстан­ның өткені мен бүгінгі өмірін салыстыра отырып, өз еліміздің даму тарихы ту­ралы танымдарын қалыптастыруды, ұлттық сана-сезімдерін оятуды негіз етіп, Тәуелсіздік күні туралы терең мағлұмат бердік.

Роза Молдабай,
«Аяна и Б» бөбекжай бақшасының тәрбиешісі.

Поделиться ссылкой: