Тұрғындардың тілегі тұрғын үй

494 Views

Аудан тізгінін ұс­та­ған тоғыз айдың ішін­де аудан әкімі Ерболат Садырқұлов барынша халық үніне құлақ асып, ел ішіндегі негізгі мәселелерді шешу­дің жолдарын қарас­ты­рып келеді. «Nur Otan» партиясы Тұрар Рысқұлов аудандық фи­лиа­­лында аудан әкімі, фи­лиал төрағасы Ерболат Сал­қынбекұлының қатысуымен өткен қо­ғам­дық қабылдауда да тұрғындар тілегі еске­ріл­ді. Қабылдауға жа­зыл­ғандардың үшеуі тұр­ғын үй мәселесін көтер­­ді. Соның бірі Шөңгер ауылының тұрғы­ны Ермеккүл Сұлтангазиева. Ол 2009 жылы тұрғын үй кезегі­не тұрған. Бүгінде 4 баласы бар ананың бар арманы баспаналы болу екен. Ермеккүл Ермекқызының өті­ні­шін мұқият тыңдаған аудан басшысы «Нұрлы жер» тұрғын үй бағдарламасы арқылы Луговой ауылынан үй алуға болатынын айтып, құжаттарын реттеуді тұрғын үй, коммуналдық-шаруашылық жолаушылар көлігі бөлімінің басшысы Мақсат Дауытбековке тапсырды. Сол секілді Луговой ауылының тұрғыны Ғалия Асқарова да «Бақытты отбасы» бағдарламасымен тұрғын үй алғысы келетінін жеткізді. Алайда 3 баланың анасы осы кезге дейін тұрғын үй кезе­гінде тұрмаған болып шықты. Мемле­кеттік бағдарламамен тұрғын үй алу­дың жолдарын сұраған Айсұлу Жансақбаеваның өтініші де аудан бас­шы­сының назарынан тыс қалмады. Екеуіне де заң аясында тұрғын үй алу­дың жолдары түсіндірілді. Бұдан бөлек тұрғындар тарапынан өзге де мәселелер көтеріліп, оның шешілу жолдары қарастырылды.

Мереке Ержанұлы.

Поделиться ссылкой: