«Асыл мұра» жобасы бойынша

өткен семинар-тренинг

Семинар Мэльс Өзбеков атын­дағы аудандық мәдениет Үйі­нің «Рухани жаңғыру» жоба­лық офисінде өтті. Келелі ке­ңес­ті аудан әкімдігі ішкі саясат бө­лі­мінің басшысы Ләззат Өтеулиева ашып, жи­налғандарды «Асыл мұра» жо­басының мақсатымен таныс­тырды.
— Волонтер – бұл еріктілер, сондықтан болар туған жердің тарихын тереңірек зерттеп, киелі және сокралды жерлердің географиясын қайта жаңғырту үшін «Жастар ресурстық орталығы» еріктілер корпусын құрып, енді ел Президенті Қасым-Жомарт Тоқаевтың «Волон­терлер жылына» байланысты ұсынған жеті бағыты бойынша жұмыс істейтін болады. Ол: білім, сабақтастық, саулық, үміт, таза әлем, асыл мұра, қамқор деп аталатын 7 жобаны құрайды. «Асыл мұра» жобасы солардың бірі болып табылады. Аудан жастары қазір «Туған жердің тарихы – тұнған шежіре» атты тарихи-танымдық экспедицияны бастап та кетті. Аудан көлемінде 77 археологиялық ескерткіш бар. Бұл анықталғаны, анықтал­мағаны қаншама. Сондықтан «Жалынды жастар» деп атала­тын еріктілер корпусы тарих қой­науында жасырынып жатқан кө­ненің көздерін жарыққа шы­ғарып, халыққа таныстыруы қа­жет,-деді Л.Өтеулиева.
Одан соң аудандық тарихи-өлке­тану музейінің директоры Елдар Өтембаев өңірдегі тарихи-мәдени мұралар туралы айта келіп, ежелгі қорымдар мен қала орындарына белгі тақ­та­лар орнату мәселесін сөз етті. Ал, аудан әкімдігінің мәдениет және тілдерді дамыту бөлі­мінің басшысы Нұрдәулет Сүйер­ханұлы Жамалбеков ау­дан аумағындағы сәулет және археологиялық және мону­мен­тальды ескерткіштер мен мүсін­дерді қорғау және оларды қоюға бай­ланысты талаптар жәй­лі айтты. «Жастар ресурстық орта­­лығы» директорының орын­басары Бахтияр Дидарұлы Асқар өлке тарихын зерделеу бо­йынша құрылған экспедиция мүше­лерінің 17 бағыт бойынша жұ­мыс істеп жатқанын, Құлан қа­ма­лынан бастап Қарақыстақ, Өр­­нек ежелгі қалаларында бо­­лып, биылғы жылы тау сілем­­дерінің ең биік нүктесі «Деге­рес шыңын» бағындыру марафонын өткізгелі отырғанын баяндады. Сөйтіп, «Құланның киелі мекен­дері» деген кітап шығаруды көз­деп отырғанын мәлім етті.
Семинар-тренингке тарих­шы-өлкетанушы, жазушы, жур­налист Сейсен Қожеке қатысып, ерік­ті жастарға келелі кеңес бе­ріп, орны мен оябы бөлек ой қоз­­ғады. Басқосуда Ақ­бұлақ орта мектебінің мұғалімі Мо­мын­таева мен Шоқан Уәли­ханов атындағы орта мектептің оқушысы Аружан Қайратқызы орынды пікір қозғады. Негізінен семи­нар-тренинг алдағы «Волон­терлер жылында» атқарылатын іс-шараларға пайдалы бағыт-бағдар берді. Сонысымен ол құнды болды.

С.Шамин.

Поделиться ссылкой: