Жаңартылған білім бағдарламасы бойынша

305 Views

Ауданымыздағы барлық шағын орталықты мектептердің тәлімгерлері, меңгерушілері, мектеп директорының тәрбие ісі жөніндегі орынбасарлары, пән мұғалімдері, барлығы 25 тыңдаушы екі апталық оқу курсынан өтуде. Курстарды облыс орталығындағы «Өрлеу» мұғалімдердің біліктілігін арттыру институтының мамандары өткізуде. Сабақтар Шоқан Уәлиханов атындағы орта мектептің оқу залында өтуде.
Біздің ауданымыздағы курсты жат­тық­­тырушы, осы институттың білікті педа­гогы Гүлхан Сабырханқызы Аманова өткізуде. Оның ұстаздық өті­лі 20 жыл, осы институтта сегіз жыл­дан бері оқытушы болып жұмыс істеп келеді.
– Қазіргі таңда біз жаңартылған бі­­лім беру бағдарламасы бойынша са­бақ кестесін жасап, тыңдаушыларды оқы­тудың ең үздік технологияларымен таныс­тырудамыз. Курс соңында әр тыңдаушы екі аптада алған білімдері бойынша сынақ тапсырып, арнайы сертификат алады. Біздің мақсатымыз «Мұғалім мәртебесіне» лайықты дәріс беру,- дейді Гүлхан Сабырханқызы.
Техникалық прогресс алға жыл­жы­­ған сайын оқу процесіне жаңа технологиялық үрдістер енгізіліп отырады. Сондықтан мұғалімдердің білімі мен біліктілігін жетілдіру заман талабы болып табылады. Демек, білімдінің қолында әрқашан «алтын шырақ» болғаны жөн.

С.Қожеке.

Поделиться ссылкой: