“Менің анам алтын”

Бүгінгі жас ұрпақты тұлға етіп қа­лып­тастырудың алғашқы баспалдағы – балабақша. Сондықтан да онда қызмет ететін тәрбиешілер «білім» атты қазынаны бүлдіршіндердің бойына сіңіруді өздерінің тікелей міндеті деп санайды. Қазақ ақыны М.Шаханов «Бала жүрегі кішкентай күй сандық. Ол сандықтың кілтін тапсаң ғана ашылады . Тәрбиешінің қолында әр кезде сол кілт жүруі керек» — деген сөзін өмірлік ұстанымдары ретінде қабылдаған тәрбиешілеріміз бүлдіршіндер тәр­биесіне өз үлестерін қосып қана қоймай, оларға өз ата-анасындай мейірімділік танытып, балапандарды бауырына тарта білуге дағдыланған. Жуырда балабақша тәрбиешілері мен тәрбиеленушілері өзара бірле­сіп, ілкімді іс-шаралардың бірін ұйым­дас­тырды. Айта кету керек, аталмыш шара Елбасының «Болашаққа бағдар: рухани жаңғыру» мақаласы мен Абай Құнанбаевтың 175 жылдық мерейтойын негізге ала отырып, ұйымдастырылды. Нақтылап айтар болсақ, «Балауса» бөбекжай бақшасының «Қарлығаш» тобында 8 наурыз — Халықаралық әйел­дер мерекесіне орай «Менің анам алтын» атты байқау өткізілді. Тартысты өткен байқауда балалар мен аналары бірнеше кезеңдер бойынша бақ сынап, өзара мықтыны анықтады. Сонымен қатар, байқау барысында Абай Құнанбаевтың шығармалары орындалды.
Жарыс нәтижесі бойынша жеңім­паздар арнайы дипломдар мен бағалы сыйлықтармен марапатталды.

Гаухар Байтүгелова,
«Балауса» бөбекжай-
бақшасының тәрбиешісі.

Поделиться ссылкой: