Медициналық сақтандыру міндетін тұрғындар қалай түсінеді?

Міндетті әлеуметтік медицина­лық сақтандыру жүйесі (МӘМС) — ден­саулық сақтау мүддесін әлеуметтік қор­ғаудағы мемлекеттік жүйе болып табылады.
Міндетті медициналық сақтан­ды­рудың негізгі артықшылықтары:
Аз қаражатпен МӘМС шеңберін­де қызметтердің толық пакетін алу! Медициналық сақтандыру қорына жарналар енгізу арқылы, Сіз қабыл­даудан бастап дәрігердің терең тек­серулеріне дейін және МӘМС пакеті шеңберінде қымбат операцияларға, кез-келген емханада медициналық қызметтердің барлық түрлеріне қол жеткізе аласыз;
Сақтандырылған азамат жеке электрондық денсаулық сақ­тау жүйесіндегі жеке кабинеті арқы­лы көрсетілетін медициналық қызмет­тердің, денсаулық жағдайын, ақылы жарналары туралы барлық ақпаратты көре алады;
Медициналық сақтандыру жүйесі­нің мүшелері жеке табыстарына және қорға жинақтаған қаражат көлеміне қарамастан, тең қызметке қол жеткізе алады;
Міндетті медициналық сақтандыру жүйесінің қатысушы болу үшін :
1. Алдымен мәртебеңізді анық­таңыз: Әлеуметтік мәртебені egov.kz порталы арқылы білуге болады. egov.kz сілтемесі арқылы порталға кірген­нен кейін ЖСН енгізесіз. Содан кейін төмендегі статустың бірін таң­дай­сыз: «Жұмыс істейді», «Әлеуметтік төлем алушы», «18 жасқа толмаған балалар», «Өзін-өзі жұмыспен қамтушы ретінде тіркелген» және «Мәртебесі анықталмағандар». Егер: жұмыссыз болсаңыз, Жұмыспен қамту орталығына немесе әкімдікке барып тіркелуіңіз керек. Егер Сіз экономиканың бейресми саласында еңбек етсеңіз, онда жеке кәсіпкер (ЖК) ретінде ақша аударасыз немесе Бірыңғай жиынтық төлем төлеуіңіз қажет.
2.Емханаға тіркелу: Емханаға тұрғылықты жері бойынша тіркелуге болады. Үстіміздегі жылдың қыркүйегі мен қараша аралығында бүкіл республика бойынша емханаға тіркелу науқаны жүргізілуде. Сондықтан медициналық көмек алу үшін әрбір тұрғын өз таңдауы бойынша емханаға тіркелуі міндетті!
3. Міндетті әлеуметтік медици­налық сақтандыру жүйесінде сақ­тандырылған болуыңыз міндетті.
Егер жұмыс істейтін адам болсаңыз, Сақтандыру Қорына Сіз үшін жұмыс беруші төлейді.
Егер мемлекет қарамағындағы 15 осал топқа жататын болсаңыз, мемлекет Сіз үшін жарна аударады.
Егер, Сіз, өзін-өзі жұмыспен қам­ту­шы несмесе БЖТ (бірыңғай жиын­тық төлем) төлеушілер қатарын­да болса­­ңыз, өз-өзіңіз үшін Сақтандыру қо­рына жарна төлеуіңіз шарт: сақтан­дыру қорының жарна көлемі-2125 тең­ге.Бірыңғай жиынтық төлемнің: — 10 % жеке табыс салығы;
— 20 % Мемлекеттік әлеуметтік сақтандыру қорына; 30 % Бірыңғай жинақтаушы зейнетақы қорына; — 40% Міндетті әлеуметтік медициналық сақтандыру қорына аударылады. Республикалық маңызы бар қалалар, елорда мен облыстық деңгейдегі шаһарларда БЖТ 1 айлық есептік көр­сеткіш (АЕК) немесе 2525 теңге, ал бас­қа ауылды елді мекендерде жарты (0,5) АЕК немесе 1263 теңгені құрайды. МӘМС пакетін пайдалану үшін БЖТ 3 ай қатарынан төленуі тиіс. Төлемді кез келген банк немесе терминал арқы­лы жүргізуге болады. Тұрғындар ара­сында «Егер мен сақтандыру жарнасын төлмесем, маған медициналық көмек көрсетілмейді» деген ұғым қалыптас­қан. Міндетті әлеуметтік медицина­лық сақтандыру қорының екі пакеті бар, соның ішінде тегін медициналық көмектің кепілдендірілген көлеміне шұғыл көрсетілетін қызметтердің бәрі жатады:
· Жедел жәрдем;
· Санитарлық авиация;
· Созылмалы ауруы барларды бақылау;
Шұғыл көрсеткіштер бойынша ста­ционарлық көмектің орнына көр­сеті­летін қызметтер. Бұл бәріне тиіс­ті. Медициналық көмектің кепіл­ден­дірілген көлемі бойынша жұрт­тың бәрі бірдей емханаға жүгі­ніп, стационарда емделе алады, диагнос­тикадан өтеді. Барлық аза­мат­тарға шұғыл медициналық кө­мектер көр­сетіледі, оның ішінде тера­певттің қа­былдауы мен (созылмалы аурулар мен олардың асқынулары) салауатты өмір салты отбасын жоспарлау мәселелері бойынша кеңестері, сондай-ақ диаг­ностикалық қызметтер кіреді. Мін­дет­ті медициналық сақтандыру Те­­гін медициналық көмектің ке­піл­ден­­дірілген көлеміне салалық ма­ман­­дардың қабылдауы кірмейді. Міндетті әлеуметтік медициналық сақтандыруға қатыспағандар олар­дың қабылдауына кіру үшін ақы төлеу керек болады. Бұл динамикалық бақылау жүргізбейтін созылмалы ауруы барларға да қатысты.
Медициналық сақтандыру жүйе­сіне қатысушыларға сақтандыру пакетінде төмендегі қызметтер көр­сетіледі:
Консультативті-диагностикалық көмек, оның ішінде қымбат лабора­ториялық қызмет;
Тегін медициналық көмектің кепілдендірілген көлемінің үстінен амбулаториялық дәрілермен қамта­масыз ету;
Ауруханада емделу және жоспарлы стационарлық көмек;
Медициналық оңалту;
Қалпына келтіру кезеңінің соңғы сатысында емдеу;
Қымбат медициналық зерттеу қызметінің көлемі: компьютерлік томографиядан өту, лабораториялық анализдер, полимеразалық тізбек реакция;
Айта кету керек, 2020 жылдың сәуір айына дейін еліміздің барлық азамат­тары шартты түрде сақтандырылды. Яғни, олар дәрігерлік көмекті міндетті әлеуметтік медициналық сақтандыру шарты аясында алды. 2020 жылдың 1- шілдесінен бастап сақтандыру жүйесі толық күшіне енді. Тегін медициналық көмектің кепілдік берілген көлемі және міндетті әлеуметтік медициналық сақ­тандыру, сондай-ақ, жарналарды төлеу бойынша қарыздың қаншалықты еке­нін 1406 нөміріне қоңырау соғып, бі­рыңғай call-орталықтан, білуге болады. Сондықтан, медициналық сақтандыру жүйесіндегі мәртебеңізге мән беріп, ойлануға тура келеді. Қазір жарналар мен аударымдарды ресми сайттар немесе қосымшалар арқылы үйден шықпай-ақ аудара аласыз. «Қолдау 24» жүктемесі- порталы арқылы уақытша сақтандыру мәртебесін алу мүмкіндігі қарастырылған. Бұл тәсіл, әсіресе, қазіргідей әлеуметтік арақашықтықты сақтап, қозғалыс пен байланысты барынша шектеу қажет болып тұрған кезде өте маңызды. Өз мәртебеңізді дер кезінде анықтап, медициналық көмектің қол жетімдігі өз қолыңызда!

Р.Жұманқұлова,
аудандық орталық аурухана бас дәрігерінің орынбасары.

Поделиться ссылкой: