Қолыңнан келсе, мүмкіндігінше қайырымдылық жаса

Қайырымдылық – қазақы болмыс-бітім­нен дарыған асыл қасиеттердің бірі. Өкінішке орай атадан қалған осы қасиетті бәзбіреулер жарнамаға айнал­дырып жібергені және рас. Қайырым­дылық есепке құрылмауы тиіс. Ол кәсіп­кердің өз ықтиярымен көп­шілікке де­ген зор ықылас ниеті­мен берілуі қажет.
Биыл­­ғы «Қайырым­дылық» акциясына Жалпақсаз ауылының жомарт азаматтары бір кісідей атсалысты. Атап айтар болсақ, Жалпақ­саз бастауыш мектебінде білім алатын аз қамтылған отбасы бала­сына ауылымызда тұратын жеке кәсіпкер, «Жалғас» шаруа қожалы­ғының басшысы Жалғас Сейдімбеков демеушілік жасап, қар­жылай көмек көрсеткен болатын. Жанұя мүшелері өз кезегінде осын­дай қамқорлық көрсеткені үшін кәсіп­кер азаматқа алғыстарын жаудыр­ды. Мектеп ұжымы атынан біз­де Жалғас Сейдімбековке зор ризашылығымызды білдіреміз.

Аяжан Жандарбаева,
Жалпақсаз бастауыш мектебінің әлеуметтік педагогы.

Поделиться ссылкой: